Mateo 12:7 - Maung A Balita Biblia

⁷ Ag yo komun imbaga a mankakasalanan iray anggapoy kasalanan no amta yo labat so kabaliksan na ibabagay Masanton Sulat, ‘Panangasi so labay ko, aliwan say bagat.’

Maung a Balita Biblia

⁷ Ag yo komun imbaga a mankakasalanan iray anggapoy kasalanan no amta yo labat so kabaliksan na ibabagay Masanton Sulat, Panangasi so labay ko, aliwan say bagat.

Mateo 12:7 Iomraidhean Croise

Say Libro nen Job 32:3

Ampetang met so olo to ed saramay taloran kakaaro nen Job. Anggapoy dugan niebat da ed kinen Job, kanyan ompapaway a singa say Dios so walay kasalanan.

Saray Salmo 109:31

ta iyaagel toy toon mairap-bilay tan ilalaban tod saray manisintinsiad sikaton ompatey.

Saray Salmo 94:21

a mankokomplut ira sumpad saray maung a totoo, tan sisintinsiaan da na patey iray anggapoy kasalanan.

Probirbio 17:15

Makapaingungot ed Katawan so panusa ed toon anggapoy kasalanan tan say pangibolus ed toon maoges.

Oseas 6:6

Say ag mangoman a panangaro yo so labay ko, aliwan saray ibagat yon ayayep. Labay ko nin naamtaan ak na saray totook nen say mangisaklang irad siak na bagat a popoolan.

Mateo 22:29

Inmebat si Jesus ed sikara, “Nalilingo kayo! On, a, ta ag yo amtay Masanton Sulat odino say pakayari na Dios.

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Marcos 12:33

Kanyan say too nepeg ton aroen so Dios ed intiron puso to, tan diad intiron nunot to, tan diad intiron biskeg to. Nepeg to met ya aroen so kapara ton too a singa panangaro tod sikaton dili. Lalon maung ni ya, nen say pangibagat na ayayep a poolan ed altar tan say pangisaklang na arum ni ran bagat ed Dios.”

Saray Gawgawa 13:27

Ag abirbir na saray manaayam ed Jerusalem tan saray manoley da a sikatoy Manangilaban. Ag da met atalusan iray salita na saray propita, a babasaen dan kapag Agew na Panagpainawa. Balet pinatwa ray imbabaga na saray propita nen sinintinsiaan dan nadusa si Jesus.

Santiago 5:6

Sinintinsiaan yon nadusa tan pinatey yo ray totoon matonung; ag ira linmaban ed sikayo.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.