Mateo 12:28 - Maung A Balita Biblia

²⁸ Say Ispiritu na Dios so mangiiter ed siak na pakayarin mamaekal ed saray dimonyo, tan sikato yay mamapaneknek a sinmabi lad sikayoy Panariay Dios.

Maung a Balita Biblia

²⁸ Say Ispiritu na Dios so mangiiter ed siak na pakayarin mamaekal ed saray dimonyo, tan sikato yay mamapaneknek a sinmabi lad sikayoy Panariay Dios.

Mateo 12:28 Iomraidhean Croise

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Mateo 12:18

“Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.

Mateo 12:29

“Anggapoy makaloob a mantakew ed abung na toon mabiskeg, likud no baluren to ni kasakbayan ton takewan. No abalur to la, sikato labat so pakaloob tod abung a mantakew.

Mateo 21:31

Siopad saramay duaran anak so anumpal ed linaway ama ra?” tepet nen Jesus. “Samay pangulowan,” ebat da. Inkuanen Jesus, “Kuankod sikayo a saray sumisingil na buis tan saray marorotak a bibii so makaonan makaloob ed Panariay Dios.

Mateo 21:43

“Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Marcos 1:15

Inkuanto, “Sinmabi la so nigetar a panaon tan asingger lay Panarian na Dios! Pansibkelan yo la ray kasalanan yo, tan manisia kayo lad Maung a Balita!”

Marcos 11:10

Bindisionan komuy Dios so onsabin panarian nen David ya ama tayo! Nagalang komuy Dios a Sankatageyan!”

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Lucas 10:11

‘Anggan say dabuk na baley yo a pinmepeket ed saray sali mi, ipagpag mi a tanday maoges a ginawa yo. Balet, tandaan yo ya, inmasingger lay Panariay Dios!’

Lucas 11:20

Andi, no ag ingen say Dios so mangiiter ed siak na pakayarin mamaekal ed saray dimonyo. Sikato yay mamapaneknek a sinmabi lad sikayoy Panariay Dios.

Lucas 16:16

“Anggad kinen Juan a Managbinyag labat so kanay Ganggan nen Moises tan saray sulsulat da ray propita. Nanlapu lad saman, nipupulong so Maung a Balitan nipaakar ed Panariay Dios, tan gagawaen na totoo so anggaay nayarian da ya onloob.

Lucas 9:2

Insan to ra imbakin mangipulong na Panariay Dios tan mamaabig ed saray mansasakit.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.