Mateo 12:27 - Maung A Balita Biblia

²⁷ No kuanyon mamapaekal ak na saray dimonyo lapud pakayarin iiter nen Beelzebul ed siak, siopa sirin so mangiiter ed saray disipulo yo na pakayarin mamaekal ed saray dimonyo? Saray dilin disipulo yoy mamapaneknek a nalilingo kayo!

Maung a Balita Biblia

²⁷ No kuanyon mamapaekal ak na saray dimonyo lapud pakayarin iiter nen Beelzebul ed siak, siopa sirin so mangiiter ed saray disipulo yo na pakayarin mamaekal ed saray dimonyo? Saray dilin disipulo yoy mamapaneknek a nalilingo kayo!

Mateo 12:27 Iomraidhean Croise

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Mateo 9:34

Balet inkuanda ray Pariseo, “Say pangulo da ray dimonyo so mangiiter ed sikato na pakayarin mamaekal ed saray dimonyo.”

Lucas 11:19

No mamapaekal ak na saray dimonyo diad pakayari nen Beelzebul, siopay mangiiter ed saray disipulo yo na pakayarin mamaekal ed sikara? Saray dilin disipulo yoy mamapaneknek a nalilingo kayo!

Lucas 19:22

Inkuanto may amo, ‘Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.