Mateo 12:26 - Maung A Balita Biblia

²⁶ No si Satanas so mamapaekal ed kinen Satanas, lalabanan toy sikaton dili! Panon a mambayag so nanarian to?

Maung a Balita Biblia

²⁶ No si Satanas so mamapaekal ed kinen Satanas, lalabanan toy sikaton dili! Panon a mambayag so nanarian to?

Mateo 12:26 Iomraidhean Croise

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Mateo 9:34

Balet inkuanda ray Pariseo, “Say pangulo da ray dimonyo so mangiiter ed sikato na pakayarin mamaekal ed saray dimonyo.”

Juan 12:31

Panaon lan nasintinsiaay sankamundoan. Nibantak la natan so manoley na sayan mundo.

Juan 14:30

Ag ko la dokeyay pansalitak ed sikayo, ta onsasabi lay manoley ed sayan mundo. Anggapon balut so pakayari tod siak.

Juan 16:11

tan nipaakar ed panagsintinsia, ta asintinsiaan lay manoley ed sayan mundo.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

1 Juan 5:19

Amta tayo a say Dios so akankayaryan ed sikatayo, tan walad silong na pakaoley na samay Maoges so sankamundoan.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 16:10

Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.

Puyan 9:11

Walay ari ran manooley ed sikara, a sikatoy anghil a mambabantay na ag natokur ya abut. Abadon so ngaran tod salitay Hebreo, Apolion ed salitay Grigo, tan Managderal so kabaliksan to.