Mateo 12:14 - Maung A Balita Biblia

¹⁴ Tinmaynan ira may Pariseo tan implano ra no panoy pamatey dad kinen Jesus.

Maung a Balita Biblia

¹⁴ Tinmaynan ira may Pariseo tan implano ra no panoy pamatey dad kinen Jesus.

Mateo 12:14 Iomraidhean Croise

Mateo 26:4

Implano ran erelen a maamut si Jesus, insan da pateyen.

Mateo 27:1

Kasabiy kabwasan, nantotongtongan na amin a manonan papari tan saray mamatakken na baley no panoy pamatey dad kinen Jesus.

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Marcos 3:6

Pinmaway ira may Pariseo tan akitongtong iran tampol ed saray disipulo nen Herodes, tan nampapaknaan da a pateyen si Jesus.

Lucas 22:2

Saray manonan papari tan saray iskriba et manaanap iray pankanawnawa ran mamatey ed kinen Jesus, ta antakot irad saray totoo.

Lucas 6:11

Mapalaloy pasnuk da ra may iskriba tan Pariseo. Nantotongtongan da no antoy gawaen dad kinen Jesus.

Juan 10:31

Kanyan anokdok lamet iray Judio na saray baton panupak dad sikato.

Juan 10:39

Sinali ra lamet ya erelen, balet imbatikan to ra.

Juan 11:53

Nanlapud saman ya agew, implano ray pamatey dad kinen Jesus.

Juan 11:57

Ingganggan na saray manonan papari tan saray Pariseo a no walay makapikabat no iner so kawalaan nen Jesus, ibaga tod sikara pian naerel da.

Juan 5:18

Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Juan 7:32

Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 7:44

Labay ya erelen na arum, balet anggapoy aningkat ed sikato.

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.