Mateo 11:8 - Maung A Balita Biblia

⁸ Anton talaga so labay yon nengnengen? Sakey a toon akakawes na marakep? Diad palasio kawalaan da ray akakawes na onya.

Maung a Balita Biblia

⁸ Anton talaga so labay yon nengnengen? Sakey a toon akakawes na marakep? Diad palasio kawalaan da ray akakawes na onya.

Mateo 11:8 Iomraidhean Croise

2 Saray Arari 1:8

“Akakawes na katat na ayep tan akabalkes met na katat,” ebat da. “Si Elias iman!” inkuan na ari.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Mateo 11:7

Nen ompapawil la ray disipulo nen Juan, nansalitay Jesus na nipaakar ed kinen Juan, “Nen linma kayod kalawakan, antoy getma yon nengnengen? Sakey a bolo ya ipapalig-palig na dagem?

Mateo 11:9

Anton talagay labay yon nengnengen diman? Sakey a propita? On, kuankod sikayo: matalona nen say propita so anengneng yo.

Mateo 3:4

Bagoy kamilyo so kawes nen Juan, tan katat so balkes to. Dorun tan dilo so impambilay to.

Lucas 7:25

Anton talaga so labay yon nengnengen? Sakey a toon akakawes na marakep? Walad saray palasio ray mankakawes na mararakep tan mambibilay ed inawa!

1 CORINTO 4:11

Anggad sayan bekta nanaerasan tan nanaapgaan kami; apilat-pilat iray kawes mi; papairapen da kami tan anggapoy napanayaman mi.

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

Deuteronomio 28:54

Anggan say lakin masimpit tan galgalangen a pamilyay sengeg to et mapalaloy kaandian toy nakan legan a lolooban da ray boley yo, kanyan kanen toy pigara ed saray anak to lapud anggapo lay arum a nakan to. Ag to anggan itdan so agi to, odino say inaro ton asawa, odino siopaman ed saray nakdaan ya anak to.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”