Mateo 11:7 - Maung A Balita Biblia

⁷ Nen ompapawil la ray disipulo nen Juan, nansalitay Jesus na nipaakar ed kinen Juan, “Nen linma kayod kalawakan, antoy getma yon nengnengen? Sakey a bolo ya ipapalig-palig na dagem?

Maung a Balita Biblia

⁷ Nen ompapawil la ray disipulo nen Juan, nansalitay Jesus na nipaakar ed kinen Juan, Nen linma kayod kalawakan, antoy getma yon nengnengen? Sakey a bolo ya ipapalig-palig na dagem?

Mateo 11:7 Iomraidhean Croise

Genesis 49:4

Singa ka mabiskeg a delap, Balet ag ka magmaliw a sankatalonggaringan, Lapud akiakdul kad inamung kon bii, Tan dinotakan moy dokulan na amam.

Mateo 11:8

Anton talaga so labay yon nengnengen? Sakey a toon akakawes na marakep? Diad palasio kawalaan da ray akakawes na onya.

Mateo 12:20

Ag to poteren so pikewet a tanobung, odino erepey makuykuyep lan lamparaan. Manseet ya anggad napanalo toy inkatonung:

Mateo 21:25

Nanlapway pankatonungan nen Juan a maminyag, nanlapud Dios o nanlapud too?” Nantetepetan ira, “Antoy iyebat tayo? No ibaga tayon nanlapud Dios, ikuantod sikatayo, ‘Akin et ag yo sinisiay Juan?’

Mateo 3:5

Dinmadagod sikato ray totoon taga Jerusalem tan luyag na Judea, pati saray nanlalapud kaliber-liber na Ilog na Jordan.

Lucas 8:18

“Kanyan asikaso yoy karerengel yo. Ta say toon wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan ipapasen to a walad sikato.”

Juan 1:38

Nen linmingaw si Jesus, anengneng to ran ontotombuk kanyan tinepet tod sikara, “Antoy anapen yo?” Inmebat ira, “Iner so panaayaman mo, Rabi?” (“Maistro” so kabaliksan na Rabi.)

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

Santiago 1:6

Balet no onkerew kayo, nepeg a manisia kayo tan ag kayo manduaruwa, ta siopaman a manduaruwa et singa daluyon ya ipaligpalig na dagem.