Mateo 11:5 - Maung A Balita Biblia

⁵ saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Maung a Balita Biblia

⁵ saray bulag makakanengneng ira, saray lopuy makakaakar ira, saray akating onaabig ira, saray telek mamakadngel ira, saray inaatey nabibilay ira, tan saray mairapbilay nipupulong ed sikara so Maung a Balita.

Mateo 11:5 Iomraidhean Croise

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

2 Saray Arari 5:7

Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, “Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!”

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Exodo 4:11

Inkuan na Katawan ed sikato, “Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Isaias 29:18

No onsabi tan ya agew, say telek nayarian ton dengelen so libron nibasa ed maksil, tan say bulag ya abayag lan mambibilay ed kabilongetan et nalokasan iray mata to tan makanengneng.

Isaias 29:19

Saray duruka tan mapaabeban totoo et narumog da lamet so liket ya iiter na Katawan a masanton Dios na Israel.

Isaias 43:8

Say Dios kuanto, “Awit yod korti iray totook. Walay mata ra, balet ag ira makanengneng; walay layag da, balet ag ira makadngel!

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.

Mateo 10:8

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Mateo 11:4

Inkuanen Jesus ed sikara, “Pawil kayod kinen Juan tan ibaga yoy narerengel tan nanenengneng yo:

Mateo 12:13

Insan kuanen Jesus ed samay laki, “Iyonat moy limam.” Inyonat toy lima to, et inmabig tan nagmaliw a singa samay sakey a lima to.

Mateo 21:14

Wala ray bulag tan piley a sinmingger ed kinen Jesus dimad Timplo tan pinapaabig to ra.

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Mateo 9:30

Diad saman a bekta, makanengneng la ra. Binilin to ran maung, “Ag yo ya ibabaga ed anggan siopa.”

Marcos 7:37

Ontan lay pankelaw da ray akadngel ed sayan balita tan inkuanda, “Agaylay abig na amin a gagawaen to! Iitdan toy pakadngel iray telek, tan pakasalita iray emel!”

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Juan 10:25

Inmebat si Jesus, “Imbagak lad sikayo et ag ki met manisia. Saray kimey a gagawaen kod ngaray Ama, sikaray mamapaneknek na nipaakar ed siak.

Juan 10:38

Balet no gagawaen ko ra, anggaman ya ag yo ak sisiaen, sisia yo ray kimey ko. Et diad ontan, naamtaan yo lan talaga a walad siak so Ama, tan wala ak ed sikato.”

Juan 2:23

Nen Pistay Paskua, walad Jerusalem si Jesus. Dakel so anisiad sikato diad impakanengneng day makapakelaw iran milagro a ginagawa to.

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Juan 9:7

Inkuanen Jesus ed sikato, “Laka, ta mandilamus kad man ed dipositoway danum ed Siloe” (a kabaliksan toy “Nibaki”). Linma may bulag sirin tan nandilamus diman. Nen pinmawil makanengneng la.

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?