Mateo 11:25 - Maung A Balita Biblia

²⁵ Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Maung a Balita Biblia

²⁵ Inkuanen Jesus ed satan, Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Mateo 11:25 Iomraidhean Croise

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

Say Libro nen Job 37:24

Ag sirin pankelawan ya ontakot ed sikato iray amin a totoo, tan saray palpaolyan to ray mankabatkabatan.

Saray Salmo 8:2

tan ikakanta na saray ogogaw tan saray kapangyanak. Maligen ka tan ag ka nasisigensigen na amin a kalaban mo; sarasarag mon patondaen iray onsusumlang ed sika.

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 21:16

Tinepet dad kinen Jesus, “Narerengel moy ibabaga ra?” “Narerengel ko,” ebat to. “Ag yo ta ni abasad Masanton Sulat? ‘Imbangat mo ray ogogaw tan saray mansususo a mangiter na nagnap a dayew.’”

Lucas 22:42

“Ama,” inkuanto, “no labay mo, ipaliis mo ak pad sayan kupay kairapan. Anggaman ontan, aliwan say linawak, no ag ingen say linawam, so nasumpal.”

Lucas 23:34

Inkuanen Jesus, “Ama, pirdonam ira, ta ag da amtay gagawaen da!” Kayari ran nampapalaranan iray kawes to, inapag da.

Juan 11:41

Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Juan 12:28

Ama, pagalangan moy ngaran mo!” Insan walay bosis a nanlapud tawen a kuanto, “Pinagalangan ko la, tan pagalangan ko lamet.”

Saray Gawgawa 17:24

Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

1 CORINTO 2:10

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

2 CORINTO 3:14

Balet anawet so olo da kanyan nasasakbungan nin siansiay kanunotan da, kapag basaen day daan a sipanan. Naekal yan sakbung no mikasakey ed Cristo so sakey a too.

1 Samuel 2:18

Si ogaw a Samuel intuloy toy nanlingkur ed Katawan, tan akasolung na ipod a linen.