Mateo 11:21 - Maung A Balita Biblia

²¹ “Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Maung a Balita Biblia

²¹ Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Mateo 11:21 Iomraidhean Croise

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Joel 3:4

“Antoy gagawaen yod siak, sikayo ran taga Tiro, Sidon, tan amin a dalin a sakop na Filistia? Babayaran yo ak, lapud sakey a bengatla? No ontan so gagawaen yo, bayaran ta kayon tampol!

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Mateo 11:22

Tandaan yo sirin a diad Agew na Okum, anlemlemew so dusa da ray taga Tiro tan Sidon nen say sikayo!

Mateo 15:21

Tinmaynan diman si Jesus tan linmad pasen ya asingger ed saray siudad na Tiro tan Sidon.

Mateo 18:7

Makapataktakot so kipapasen ed tapew na dalin, lapud saray bengatlan pansengegay pankasalanan da ray totoo! Anggan kapigan ag naandi ray bengatlan pansengegay pankasalanan, balet makapataktakot so nasagmak na toon panlapwan da!

Mateo 26:24

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”

Marcos 3:8

Jerusalem, Idumea, pati saray taga nibaliw na Jordan tan kaliber-liber na Tiro tan Sidon. Dinmadago ra yan amin nen nadngelan da a dakerakel so gagawaen nen Jesus.

Marcos 6:45

Pinalogan a tampol nen Jesus ed baloto iray disipulo to tan pinaona to ran binmaliw ed Betsaida, legan ton pasisiputen iray totoo.

Marcos 7:24

Tinmaynan diman si Jesus tan linmad pasen ya asingger ed saray siudad na Tiro tan Sidon. Akipundod man ed sakey ya abung. Anggaman a labay ton anggapo komuy makaamtan wadman, siansian akabatay totoo.

Marcos 7:31

Diad impawil nen Jesus ed Dayat na Galilea a nanlapud lugar na Tiro, dinmalan ed Sidon tan Decapolis.

Marcos 8:22

Sinmabid Betsaida si Jesus tan saray disipulo to. Inyasingger na pigaran totoo ed kinen Jesus so sakey a lakin bulag, tan kinerew dad sikato a diwiten to.

Lucas 4:26

Balet ag nibakiy Elias ed anggan siopad sikara. Nibaki inged sakey a balon bii ed Sarepta, sakey a baley ed Sidon.

Lucas 6:17

Kaleksab da, inmalagey si Jesus ed nipatar a pasen. Dakerakel met iray wadman a disipulo to, tan amayamay a totoon nanlapud intiron Judea tan Jerusalem, tan saray pasen ed gilig na dayat a nasasakopay Tiro tan Sidon.

Lucas 9:10

Kapawil da ra may apostol, imbaga rad kinen Jesus iray amin a ginagawa ra. Intagar ira nen Jesus tan linma ran kabukbukoran da ed sakey a baley a manngaray Betsaida.

Juan 1:44

(Si Felipe taga Betsaida a baley di Andres tan Pedro.)

Juan 12:21

Inasinggeran day Felipe a taga Betsaida, Galilea, tan kuandad sikato, “Kaaro, labay min napinengnengay Jesus.”

Saray Gawgawa 12:20

Agaylay pasnuk nen Herodes ed saray taga Tiro tan Sidon, kanyan nampapaknaan day onlad sikato. Inmasingger ni rad kinen Blasto ya inkargadoy palasio, pian naibaan to ran miariglo ed kinen Herodes, ta say pambibilay da et manlalapud dalin a nasasakopan to.

Saray Gawgawa 27:3

Kaimbuas, sinmabi kamid Sidon. Maumaung si Julio ed kinen Pablo, et inabuloyan toy Pablo ya ombisitad saray kakaaro to, pian naitdan day antokaman a nakaukolan to.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.