Mateo 11:11 - Maung A Balita Biblia

¹¹ Tandaan yo ya! Si Juan a Managbinyag so sankatalonaan ed amin da ray totoon nianak, balet atagtagey ni so toon sankaabebaay pasen tod Panariay tawen.

Maung a Balita Biblia

¹¹ Tandaan yo ya! Si Juan a Managbinyag so sankatalonaan ed amin da ray totoon nianak, balet atagtagey ni so toon sankaabebaay pasen tod Panariay tawen.

Mateo 11:11 Iomraidhean Croise

Say Libro nen Job 14:1

“Nianak a makapoy so too; antikey tan magunigon so bilay to.

Say Libro nen Job 14:4

Anggapoy malinis a napapaway ed antokaman a marotak a singa say too.

Say Libro nen Job 15:14

Walay toon nagnap a malinis so puso to? Walay toon nagnap a matonung ed arap na Dios?

Say Libro nen Job 25:4

Panon a magmaliw a matonung o malinis ed arap na Dios so sakey a too?

Saray Salmo 51:5

Nen nianak ak maoges ak la; nen inlokun ak nen inak makasalanan ak la.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Mateo 11:10

Ta nipaakar ed kinen Juan so ibabagay Masanton Sulat: ‘Inkuay Dios, Niay managpulong ko; sikatoy ibakik ya onona nen sika a mangiparaay dalanen mo.’

Mateo 11:12

Nanlapud impampulong nen Juan a Managbinyag ya anggad natan, nanairapan a maung so Panariay tawen tan sasamsamen na masesebeg a totoo.

Mateo 3:1

Diad saraman ya agew sinmabiy Juan a Managbinyag ed kalawakay Judea tan nampupulong diman.

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Mateo 5:19

Kanyan siopamay ag mangoonur na anggan sankamelagan ed sarayan ganggan tan mangibabangat ed arum a totoon ag da met onuren, sikatoy nipasen a sankaabebaan ed Panariay tawen. Balet siopamay manusumpal ed Ganggan, tan mangibabangat ed arum a totoon sumpalen da met, sikatoy nipasen ya atagey ed Panariay tawen.

Lucas 1:15

Ta magmaliw a matalonggaring yan too ed arap na Dios. Ag oninom na alak o antokaman a makabuek. Napano la na Ispiritu Santo ya anggan wala nid eges nen ina to.

Lucas 7:28

Kuankod sikayo a si Juan so sankatalonaan ed amin da ray totoon nianak, balet matalona ni nen sikato so toon sankaabebaay pasen ed Panariay Dios.”

Lucas 9:48

Insan kuantod sikara, “Siopamay mangawat ed sayan ogaw lapud ngaran ko, awaten to ak; tan siopamay mangawat ed siak, awaten toy angibakid siak. Ta say sankaabebaan ed sikayon amin, sikatoy manona.”

Juan 1:15

Nantasiy Juan na nipaakar ed sikato. Imbabando to, “Sikatoy labay kon ibaga nen kuankod sikayo, ‘Manona nen siak so manomtombuk ya onsalat ed siak, lapud wala la kasakbayan a nianak ak.’”

Juan 1:27

Ontombuk ya onsalat ed siak, balet ag ak manepeg a mangokbar na anggan bariber na sandalya to.”

Juan 10:41

dakel a totoo so linmad sikato tan inkuanda, “Anggapo ray milagron ginawa nen Juan, balet tuan amiy imbabaga ton nipaakar ed sayan too.”

Juan 3:30

Nepeg toy nitanduro, balet nepeg koy niabeba.”

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

1 CORINTO 15:9

ta sankaabebaan ak ed saray apostol, ag ak ingen manepeg a tawagey apostol, ta pinapairap koy iglisia na Dios.

1 CORINTO 6:4

No wala ray onyan kaso yo, paarigloan yo kasid saray totoon ag bibirbirey iglisia?

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

2 Timoteo 1:10

Balet nipaamta ya nen sinmabiy Cristo Jesus a Manangilaban tayo. Inekal toy pakayariy patey, tan impaamta toy bilay ya andi-anggaan diad panamegley na Maung a Balita.

Saray Hebreo 11:40

ta angiparaay Dios na magmaung a planon para sikatayo. Say getma to say ag da pagmaliw ya ayadyari no ag da itayo kaiba.

1 Pedro 1:10

Inanap tan inosisa na saray propita so sayan kilalaban tan impasakbay dan imbaga so nipaakar ed sayan rigalon iter na Dios ed sikayo.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.