Mateo 10:27 - Maung A Balita Biblia

²⁷ Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Maung a Balita Biblia

²⁷ Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Mateo 10:27 Iomraidhean Croise

Isaias 22:1

Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Mateo 24:17

Say toon walad toktok na abung nakaukolan ya ag la manabalan onlasur a mangalad dalem na abung na saray kagawaan to.

Lucas 12:3

Antokamay imbaga yod ambilonget, narengel ed maliwawa; tan antokamay inyesaes yod saray totoon walad akakaput a kuarto, nibando manlapud toktok na kaabungan.”

Lucas 8:10

Inmebat si Jesus, “Niiter ed sikayoy pakaamta ed saray maamut a bengatlan nipaakar ed Panariay Dios. Nipaamtad saray arum, balet diad panamegley na saray alimbawa, pian nengneng la ra man a nengneng, ag da nanengneng met lamlamang; tan dengel la ra man a dengel, ag da natalusan met lamlamang.”

Juan 16:1

“Ibabagak ira yad sikayo, pian ag kayo naekalay panagmatalek ed siak.

Juan 16:13

No onsabiy Ispiritu na katwaan, iwanwan to kayon mangamta ed amin a katwaan, ta ag mansalitan manlapud sikaton dili. Ingen, salitaen tod sikayoy nadngel to tan ibaga to ray bengatlan onsabi.

Juan 16:25

“Imbagak ira yad sikayo diad panamegley na alimbawa. Balet onsabiy panaon ya ag ko la mansalitay onya, no ag ta ibagak lan malinlinew ed sikayoy nipaakar ed Ama.

Juan 16:29

Inkuan ed satan na saray disipulo to, “Mansasalita ka lan malinew natan, aliwan diad panamegley na alimbawa.

Saray Gawgawa 17:17

Kanyan, diad sinagoga akisangsangan ed saray Judio tan saray Hintil a mangigagalang ed Dios, tan diad saray amin a nabanaan ton inagew-agew ed plasa.

Saray Gawgawa 5:20

“Laka yod Timplo tan ipulong yod may nipaakar ed sayan balon panagbilay.”

Saray Gawgawa 5:28

Inkuanto, “Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.”

2 CORINTO 3:12

Lapud walay onyan ilalo tayo, mabiskeg so linawa tayo.