Mateo 10:26 - Maung A Balita Biblia

²⁶ “Ag yo sirin tatakotan iray totoo. Anggapoy asakuban ya ag ompaway, tan anggapoy akaamut ya ag nakabatan.

Maung a Balita Biblia

²⁶ Ag yo sirin tatakotan iray totoo. Anggapoy asakuban ya ag ompaway, tan anggapoy akaamut ya ag nakabatan.

Mateo 10:26 Iomraidhean Croise

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!”

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Marcos 4:22

Anggapoy akaamut ya ag ompaway, tan anggapoy asakuban ya ag ombawag.

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Lucas 8:17

Anggapoy akaamut ya ag ompaway, tan anggapoy asakuban ya ag naamtaan tan ombawag.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Saray Gawgawa 4:19

Balet inmebat ira di Pedro tan Juan, “Sikayo lan diliy manintinsia no dinay maptek ed arap na Dios: say pangonur ed sikayo, o say pangonur ed Dios.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

1 Pedro 3:14

Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.