Mateo 10:19 - Maung A Balita Biblia

¹⁹ No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

Maung a Balita Biblia

¹⁹ No iyakar da kayod korti, ag kayo mapaga no antoy ibaga yo, o no panoy pangibaga yo. Diad satan ya oras, onsabid kanunotan yoy ibaga yo.

Mateo 10:19 Iomraidhean Croise

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

Exodo 4:15

Mitongtong kad sikato tan ibagam so nepeg ton salitaen. Tulongan ta kayo ed pansalita yo tan ibagak ed sikayo so gawaen yo.

Jeremias 1:7

Balet inkuan na Katawan ed siak, “Ag mo ibabagan ogaogaw ka; ingen, lakad saray totoon pangibakian kod sika, ta ibagam ed sikaray amin ya igaganggan kod sika.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Mateo 10:18

Lapud itombuk yod siak, salaysayen da kayod arap na saray arari tan arum ni ran manoley, pian napaneknekan yod sikara ran saray Hintil so Maung a Balita.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:31

Kanyan ag kayo mapagpaga. Ag kayo tepet a tepet na: ‘Antoy kanen mi kasi?’ o ‘Antoy inomen mi kasi?’ o ‘Antoy ikawes mi kasi?’

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Lucas 12:12

Ta diad satan a bekta, ibangat kayoy Ispirutu Santo no antoy ibaga yo.”

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.