Mateo 10:16 - Maung A Balita Biblia

¹⁶ “Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Maung a Balita Biblia

¹⁶ Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Mateo 10:16 Iomraidhean Croise

Genesis 3:1

Say oleg so sankasiliban ed saray amin ya ayayep a pinalsay Katawan a Dios. Tinepet na oleg ed samay bii, “Imbaga tan tua na Dios ya ag yo kanen so bunga na dinanman a kiew ed tanamanan?”

Genesis 3:13

Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Nehemias 4:13

Kanyan initdan ko ray totoo na saray ispada, pika, tan pana, insan ko ra impanayam ed sanib na padir diad kapag pasen ya ag ni asumpal. Kapag boleg walay kawalaan ton pasen a pambantayan.

Jeremias 40:16

Balet inmebat si Gedalias, “Aleg, ag mo itutuloy itan a kanunotan mo! Aliwan tua tay ibabagam nipaakar ed kinen Ismael!”

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Mateo 24:25

Tandaan yo! Imbagak la yad sikayo kasakbayan a nagawa.

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Mateo 25:2

Kulang na kalakal so limarad sikara, tan makalakal so limara.

Mateo 25:4

Balet saramay makalakal inawit da ray lamparaan da tan nambalon iray larak.

Mateo 25:9

‘Andi,’ ebat da ra may makalakal, ‘ta ompan ag ondugad para sikatayon amin. Say maung lakayo lan manaliw ed saray manlalakoy larak.’

Lucas 10:3

Laka yo la! Ibaki ta kayon singa saray karniro ed pegley da ray asod katakelan.

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Saray Gawgawa 20:29

Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

2 CORINTO 11:14

Ag ya pankelawan, ta anggan si Satanas nayarian toy magmaliw a singa anghil na liwawa!

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

2 CORINTO 8:20

Maalwar kami ed panangasikasod sayan rigalon niiter a mabonbonluk, pian anggapoy nibagay arum.

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

COLOSAS 4:5

Nepeg a makabat kayo diad pipiolup yod saray aliwan mananisia, tan ikana yo ray amin a pankanawnawan walad sikayo.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

1 TESALONICA 5:22

Arawian yoy amin a klasiy kaogsan.