Mateo 1:25 - Maung A Balita Biblia

²⁵ balet ag to inakdulan ya anggad impangyanak nen Maria na ogaw a laki. Jesus so inngaran nen Jose ed sayan ogaw.

Maung a Balita Biblia

²⁵ balet ag to inakdulan ya anggad impangyanak nen Maria na ogaw a laki. Jesus so inngaran nen Jose ed sayan ogaw.

Mateo 1:25 Iomraidhean Croise

2 Samuel 6:23

Ag balut akaanak si Micol a biin anak nen Saul.

1 Saray Arari 1:4

Ontan lay ganggana to, tan pinagaan tan inasikaso toy ari; balet ag inakdulan na ari.

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Mateo 1:24

Kanyan nen abangon si Jose, ginawa to may imbaga na anghil na Katawan. Inkasal toy Maria,

Lucas 1:31

Manlokun tan mananak kay sakey a laki, tan Jesus so pangingaran mod sikato.

Lucas 2:21

Kasabiy kumawalon agew, sinegat da may ogaw tan Jesus so impangingaran dad sikato. Saya may ngaran ya inter na anghil kasakbayan a ninginew imay ogaw.

Lucas 2:7

Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Saray Taga Roma 8:29

Saray pinili na Dios a kayaryan ton nanlapud gapo et inggana to ran miolibay ed Anak to, pian say Anak so magmaliw a pangulowad saray amayamay a sanaagi.