Marcos 9:7 - Maung A Balita Biblia

⁷ Walay lorem a linmesa tan tinarungan to ra. Insan walay bosis a nanlapud lorem a kuanto, “Sikato yay inararok ya Anak—dengel kayod sikato!”

Maung a Balita Biblia

⁷ Walay lorem a linmesa tan tinarungan to ra. Insan walay bosis a nanlapud lorem a kuanto, Sikato yay inararok ya Anakdengel kayod sikato!

Marcos 9:7 Iomraidhean Croise

Saray Salmo 2:7

“Ibawag koy imbagay Katawan,” kuay ari. “Inkuay Katawan ed siak: ‘Sikay anak ko; natad sayan agew nagmaliw ak ya amam.

Saray Salmo 97:2

Aliber na saray lorem tan kabilongetan so Katawan; maptek tan matonung so panooley to.

Exodo 24:16

Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises.

Exodo 40:34

Insan say lorem kinobutan to may Tuldan tan pinano na kagalangan na Katawan.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Mateo 27:43

Manmamatalek ed Dios tan inkuanto, ‘Siak so Anak na Dios!’ Nengnengen pa sirin no labay na Dios ya ilaban natan!”

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Marcos 1:11

Insan walay bosis a nanlapud tawen ya inkuanto, “Sika so dilin Anak ko ya inararok; pakaliliketan ta ka.”

Marcos 9:6

Lapud baleg a takot da ra may taloran disipulo, ag amta nen Pedro so ibabaga to.

Marcos 9:8

Kabebekta linmingaw ira may disipulo ed kaliber-liber, et anggapo lay anengneng da no ag si Jesus labat.

Lucas 3:22

tan dinmapod sikatoy Ispiritu Santo ed nengneng na laman a singa malapati. Insan walay bosis a nanlapud tawen a nankuan, “Sika so dilin Anak ko ya inararok; pakaliliketan ta ka.”

Juan 1:34

Anengneng ko ya tan papaneknekan kod sikayo a sikatoy Anak na Dios.”

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Juan 12:28

Ama, pagalangan moy ngaran mo!” Insan walay bosis a nanlapud tawen a kuanto, “Pinagalangan ko la, tan pagalangan ko lamet.”

Juan 19:7

Inmebat iray Judio, “Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.”

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Juan 5:18

Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 5:37

Say Ama ya angibakid siak, tasian to ak met. Balet, ag yo nin balut nadngel so bosis to tan ag yo nin balut apilupaan.

Juan 6:69

Manisia kami tan amta mi a sikay Masanto na Dios.”

Juan 9:35

Akabatan nen Jesus a pinapaway da may laki. Arumog to tan kuanto, “Manisia kad Anak na Too?”

Saray Gawgawa 1:9

Kapangibaga to ya, niatagey ed tawen leleg dan nenengnengen, insan asaniban na lorem.

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Saray Taga Roma 1:4

no nipaakar ed masanton inka-Dios to, nipaamta a sikatoy Anak na Dios diad panamegley na makapanyarin gawa, a salanti say inkioli tod bilay.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

2 Pedro 1:17

nen inter na Dios Ama ed sikato so dayew tan kagalangan. Manlapud Sankatageyan a Kagalangan, walay bosis a nikuan ed sikato, “Sikato yay inararok ya Anak a pakaliliketan ko!”

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.