Marcos 9:35 - Maung A Balita Biblia

³⁵ Inmirung si Jesus tan tinawag to ray labinduan disipulo, insan kuantod sikara, “Siopamay labay to so walad onaan, mampaonur tan manlingkur ed amin.”

Maung a Balita Biblia

³⁵ Inmirung si Jesus tan tinawag to ray labinduan disipulo, insan kuantod sikara, Siopamay labay to so walad onaan, mampaonur tan manlingkur ed amin.

Marcos 9:35 Iomraidhean Croise

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Mateo 23:11

Say manonad sikayo nakaukolan a manlingkur ed sikayo.

Marcos 9:36

Tinawag toy sakey ya ogaw tan pinaalagey tod pegley da. Inampupo to tan kuantod saray labinduan disipulo,

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Lucas 22:26

Balet aliwa kayon ontan. Say manona ed sikayo nepeg to ingey magmaliw a singa sikatoy yogtan; tan say pangulo nepeg a magmaliw a singa sikatoy managlingkur.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”