Marcos 9:28 - Maung A Balita Biblia

²⁸ Nen linmoob si Jesus ed abung, maamut a tinepet na saray disipulo to, “Akin kasi et ag mi napaekal imay maoges ya ispiritu?”

Maung a Balita Biblia

²⁸ Nen linmoob si Jesus ed abung, maamut a tinepet na saray disipulo to, Akin kasi et ag mi napaekal imay maoges ya ispiritu?

Marcos 9:28 Iomraidhean Croise

Mateo 13:10

Sinmingger iray disipulo ed kinen Jesus tan tinepet da, “Akin et ipaparalan mod alimbaway ibabagam ed sikara?”

Mateo 13:36

Tinaynan nen Jesus iray totoo tan linmoob ed abung. Inmasingger iray disipulo tod sikato tan kuanda, “Ipaliwawam pad sikamiy kabaliksan to may alimbawan nipaakar ed dikad alog.”

Mateo 15:15

Inkuanen Pedro, “Ipaliwawam pad sikamiy kabaliksan na samay alimbawa.”

Marcos 2:1

Kalabas na pigaran agew, pinmawil si Jesus ed Capernaum. Kinmayat so balita a sinmempet ed abung.

Marcos 3:20

Nen sinmempet si Jesus ed abung, amayamay lamet iray atiptipon a totoo. Diad karakel da, ag naarap nen Jesus tan saray disipulo to so mangan.

Marcos 4:10

Nen bukbukor la nen Jesus sininggeran na saray labinduan disipulo tan saray pigarad saramay nandengel, tan kinerew dan ipaliwawa to ray alimbawa.

Marcos 4:34

Ag to nampulong no ag imparalan ed alimbawa. Balet no bukbukor to la tan saray disipulo to, ipaliwawa ton amin ed sikara.

Marcos 7:17

Tinaynan nen Jesus iray totoo tan nen akaloob lad abung, tinepet da ray disipulo to so nipaakar ed sayan alimbawa.

Marcos 9:27

Balet inala nen Jesus imay ogaw ed lima tan inibaan ton binmangon, et inmalagey.

Marcos 9:29

Inmebat si Jesus ed sikara, “Saman a klasi na ispiritu, ag napapaway no ag dia labat ed panamegley na pikakasi.”