Marcos 9:22 - Maung A Balita Biblia

²² “Naynay ya ibontuk na ispiritun maoges ed apoy tan danum, ta labay ton pateyen. No walay nayarian mon gawaen, kasian tan tulongan mo kami!”

Maung a Balita Biblia

²² Naynay ya ibontuk na ispiritun maoges ed apoy tan danum, ta labay ton pateyen. No walay nayarian mon gawaen, kasian tan tulongan mo kami!

Marcos 9:22 Iomraidhean Croise

Mateo 14:31

Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Mateo 17:15

tan inkuanto, “Katawan, kasian moy anak kon laki, ta dumurulot tan mapalaloy kakairapan to. Naynay a natumbad apoy tan napelag ed danum no onsigi.

Mateo 20:34

Akasian ira nen Jesus, kanyan diniwit to ray mata ra. Akanengneng iran tampol, insan ira tinmombuk ed sikato.

Mateo 8:2

Linmad sikatoy sakey a toon akating, tinmalimukor ed arap nen Jesus tan inkuanto, “Katawan, no labay mo, nayarian mo ak a paabigen.”

Mateo 9:28

Kaloob nen Jesus ed abung, inasinggeran na saramay bulag. Tinepet tod sikara, “Manisia kayon nagawaan ko ya?” “On, Katawan,” ebat da.

Marcos 5:19

balet ag inabuloyan nen Jesus. Inkuanto ingen, “Sempet ka lad abung, tan ibagam ed pamilyam tan saray kakanayon mo ray amin a ginaway Katawan ed sika lapud panangasi to.”

Marcos 9:21

“Panoy kabayag lan inaponay ispiritun maoges?” tinepet nen Jesus ed ama na ogaw. “Nanlapu lad ogaw ni,” ebat to may ama.

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”