Marcos 9:21 - Maung A Balita Biblia

²¹ “Panoy kabayag lan inaponay ispiritun maoges?” tinepet nen Jesus ed ama na ogaw. “Nanlapu lad ogaw ni,” ebat to may ama.

Maung a Balita Biblia

²¹ Panoy kabayag lan inaponay ispiritun maoges? tinepet nen Jesus ed ama na ogaw. Nanlapu lad ogaw ni, ebat to may ama.

Marcos 9:21 Iomraidhean Croise

Say Libro nen Job 14:1

“Nianak a makapoy so too; antikey tan magunigon so bilay to.

Say Libro nen Job 5:7

Ingen manlapud sikato met lamlamang so gunigon na too, a singa panlalapud apoy na saray talagsik.

Saray Salmo 51:5

Nen nianak ak maoges ak la; nen inlokun ak nen inak makasalanan ak la.

Marcos 5:25

Walay sakey a biin labinduay taon lan maniirap lapud alablabas a pandadala to.

Marcos 9:20

Inyasingger da sirin imay ogaw ed sikato. Kanengneng na maoges ya ispiritud kinen Jesus, pinatayegteg to may ogaw. Niparugsod dalin, insan nantolin-tolin tan nambora-boray songut to.

Marcos 9:22

“Naynay ya ibontuk na ispiritun maoges ed apoy tan danum, ta labay ton pateyen. No walay nayarian mon gawaen, kasian tan tulongan mo kami!”

Lucas 13:16

Natan, sayan bii ya anak nen Abraham, labinwaloy taon lan papairapen nen Satanas. Ag kasi manepeg a paabigen ko no Agew na Panagpainawa?”

Lucas 8:43

Walad may biin labinduay taon la maniirap lapud alablabas a pandadala to. Agastos to lad saray doktor iray amin a kuarta to, balet anggapoy makapaabig ed sikato.

Juan 9:1

Diad panaakar nen Jesus, anengneng toy sakey a toon nianak a bulag.

Saray Gawgawa 14:8

Diad Listra, walay sakey a lakin ag to ni asaliy inmakar, ta lopuy lan nanlapud inkianak to.

Saray Gawgawa 3:2

Diad “Marakep a Puirta,” walay sakey a lakin nianak a lopuy. Iyaakar dad man ya inagew-agew a mipayabol ed saray totoon onloloob ed Timplo.

Saray Gawgawa 4:22

Masoluk lan apataploy taon to may lakin akagawaay milagro.

Saray Gawgawa 9:33

Akarumog dimay sakey a lakin paralitiko ya ag la ombabangon a waloy taon. Eneas so ngaran to.