Marcos 8:33 - Maung A Balita Biblia

³³ Balet imbeneg nen Jesus tan inarap to ray disipulo, insan to nampasnukay Pedro. Inkuanto, “Arawi kad siak, Satanas! Say labay na too so nununoten mo, aliwan say labay na Dios.”

Maung a Balita Biblia

³³ Balet imbeneg nen Jesus tan inarap to ray disipulo, insan to nampasnukay Pedro. Inkuanto, Arawi kad siak, Satanas! Say labay na too so nununoten mo, aliwan say labay na Dios.

Marcos 8:33 Iomraidhean Croise

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

Say Libro nen Job 2:10

Inmebat si Job, “Andi-kakanaay ibabagam! No mangiter na kamaungan so Dios, awaten tayo. Akin et ag tayo awaten no kairapan so iter to?” Anggan ontan lay paniirap to si Job ag nansalita na maoges sumpad Dios.

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Levitico 19:17

“Ag yo bobosulen so siopaman a too, no ag ingen mipulangan kayod sikato, pian ag kayo mankasalanan lapud sikato.

Mateo 15:23

Balet ag inebatan nen Jesus na anggan sakey a salita. Inmasingger iray disipulod sikato tan kuanda, “Ibakim la, ta totombuken to itayo tan maingaingal.”

Mateo 16:23

Balet inarap nen Jesus tan inkuanto, “Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!”

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Marcos 3:34

Insan to ninengneng ira may akayorung ed kaliber-liber to tan inkuanto, “Sikara ya so inak tan saray agagik a lalaki!

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Lucas 22:61

Linmingaw so Katawan, tan ninengneng tod mata si Pedro. Natan anunotan nen Pedro may imbagay Katawan, “Kasakbayay ikukaok na lalung ed sayan agew, mamitlon ibagam ya ag mo ak kabat.”

Lucas 4:8

Inmebat si Jesus, “Ibabagay Masanton Sulat, ‘Igalang moy Katawan a Dios mo, tan sikato labat so panlingkuran mo!’”

Lucas 9:55

Linmingaw si Jesus tan nampasnukan to ra;

1 CORINTO 5:5

ipalima yo tan a too ed Satanas pian naderal so laman to, et nayarin nilaban so ispiritu to no Agew na Katawan.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

1 Timoteo 5:20

Pampasnukan mod arap na totoo so toon nankasalanan, pian ontakot iray arum.

Tito 1:13

Tua yan imbaga to. Lapud saya, pampasnukan mo ran maung, pian mambilay iran matonung onung ed pananisia ra,

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.

1 Juan 2:15

Ag yo aaroey mundo odino saray bengatlan walad mundo. Siopamay mangaarod mundo, anggapoy panangaro tod Ama.

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.