Marcos 7:28 - Maung A Balita Biblia

²⁸ Inmebat may bii, “Tua tan Katawan, balet saray ason walad silong na lamisaan mangakan ira na ibung da ray ogogaw.”

Maung a Balita Biblia

²⁸ Inmebat may bii, Tua tan Katawan, balet saray ason walad silong na lamisaan mangakan ira na ibung da ray ogogaw.

Marcos 7:28 Iomraidhean Croise

Saray Salmo 145:16

Iitdan mo ran amin na daakan tan pepeneken mo rad pankaukolan da.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Mateo 15:27

“Tua tay imbagam, Katawan,” kuanto may bii, “balet anggan saray aso mangakan iray keran napepelag ed lamisaay amo ra.”

Mateo 5:45

pian nibilang kayon tuan anak na Ama yon walad tawen. Ta say agew to ipapasinag tod saray maoges tan diad saray maung a totoo, tan mangiiter na oran ed saray manggagaway kaogsan tan diad saray manggagaway kaabigan.

Marcos 7:27

Imbaga nen Jesus ed sikato, “Paolyan mo pa nin napesel iray ogogaw, ta ag nepeg ya alaen so kakanen da insan ibontuk ed saray aso.”

Marcos 7:29

Kanyan inkuanen Jesus ed sikato, “Lapud sayan imbalikas mo, nayarian mo lay onsempet. Pinmaway lay dimonyo ed anak mo.”

Saray Taga Roma 10:12

Anggapoy pandomaay Judio tan Grigo, ta say Katawan et Katawan na amin, tan mangiiter na dakel a bindision ed amin da ray ontatawag ed sikato.

Saray Taga Roma 3:29

Ag kasi say Dios et Dios met na saray Hintil, aliwan saray Judio labat? On, sikatoy Dios na amin,

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,