Marcos 6:6 - Maung A Balita Biblia

⁶ Mankelaw a maung lapud ag da panisiad sikato. Linman nambabangat si Jesus ed kaliber-liber iran bariod man.

Maung a Balita Biblia

⁶ Mankelaw a maung lapud ag da panisiad sikato. Linman nambabangat si Jesus ed kaliber-liber iran bariod man.

Marcos 6:6 Iomraidhean Croise

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Mateo 9:35

Nililiber nen Jesus ya amin iray bario tan baley. Nambabangat ed loob na saray sinagoga tan nampupulong na Maung a Balitan nipaakar ed Panarian. Pinapaabig to met ya amin iray totoon maniirap na nandoroman sakit tan liliknaen.

Marcos 1:39

Niliber toy intiron Galilea a nampupulong ed saray sinagoga tan nampapapaway na saray dimonyo.

Marcos 10:1

Inmalis si Jesus nanlapud saman a pasen. Linmad lugar na Judea tan binmaliw ed Ilog na Jordan. Dinago lamet na dakerakel a totoo, tan binangatan to ra a singa gagawaen ton gendat.

Lucas 13:22

Intuloy nen Jesus so panliliber-liber to. Nambabangat ed binaley-baley tan diad saray barion nadadalan to nen mamaarap ed Jerusalem.

Lucas 4:31

Linmay Jesus ed Capernaum, diad Galilea, ta nambangat diman nen Agew na Panagpainawa.

Lucas 4:44

Kanyan nampupulong si Jesus diad saray sinagoga ed Judea.

Juan 9:30

Inmebat imay laki, “Makapakelaw yan tuloy! Kuanyon ag yo amtay nanlapwan to, anta initdan to ak na pakanengneng!

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.