Marcos 6:21 - Maung A Balita Biblia

²¹ Sinmabin siansiay pankanawnawa nen Herodias nen nantaryay Herodes ed inkianak to. Inimbitaan nen Herodes iray mambebembey ambelat iran betang ed gobirno, saray opisyal da ray sondalo, tan saray manonan totood Galilea.

Maung a Balita Biblia

²¹ Sinmabin siansiay pankanawnawa nen Herodias nen nantaryay Herodes ed inkianak to. Inimbitaan nen Herodes iray mambebembey ambelat iran betang ed gobirno, saray opisyal da ray sondalo, tan saray manonan totood Galilea.

Marcos 6:21 Iomraidhean Croise

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 40:20

Kalabas na taloy agew, nen agew na inkianak na ari, angiparaan na ponsia a para amin ya opisyal to; impaipaway to may inkargadoy alak ed palasio tan samay pangulon panadiro to tan inyarap to rad saray opisyal to.

Ester 2:18

Insan nanggawa na baleg a ponsia so ari a pamagalang ed kinen Ester; inimbitaan ton amin iray opisyal to tan saray manoley to. Imbawag tod intiron nanarian so sakey a pista opisyal, tan nambubunog na saray rigalon manepeg ya iter ed ari.

Ester 3:7

Diad kumalabinduan taon na panooley nen Ari Asuero, diad ononan bulan, say bulan na Nisan, ingganggan nen Haman a gawaen so pampapalaranan a tatawagen na “purim,” ta amtaen to no dinay manepeg ya agew tan bulan a panggawad samay getma to. Apili so kumalabintalon agew na kumalabinduan bulan, say bulan na Adar.

Oseas 7:5

Diad agew na ponsia na ari binuek day ari tan saray opisyal to tan impagmaliw da ran makulang-kulang.

Lucas 3:1

Kumalabinliman taon la na panooley nen Impirador Tiberio. Si Poncio Pilato so gobirnador na Judea, si Herodes so manoley ed Galilea, tan si agi ton Felipe so manoley ed Iturea tan Traconite. Si Lisanias so manoley ed Abilinia.

Saray Gawgawa 25:23

Kaimbuas, sinmabi ra di Agripa tan Bernice; amayamay iray sirimonyan pamagalang ed sikara. Linmoob irad kuarton panagsintinsiaan a kaiba da ray pangulo na saray sondalo tan saray matalonan totood siudad. Ingganggan nen Festo ya iyakar dad may Pablo.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.