Marcos 6:20 - Maung A Balita Biblia

²⁰ Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.

Maung a Balita Biblia

²⁰ Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.

Marcos 6:20 Iomraidhean Croise

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

2 Saray Arari 13:14

Mapalaloy sakit nen Eliseo tan ipatey to la; binisita nen Ari Jehoas na Israel. Nanakis ed abay nen Eliseo tan inkuanto, “Ama, O ama! Sikay makapanyarin manangyagel na Israel!”

2 Saray Arari 6:21

Nen anengneng na ari ed Israel iray Siriano, tinepet tod kinen Eliseo, “Kagalang a propita, pateyen ko ra? Pateyen ko la ra?”

2 Saray Awaran 24:2

Legay impanbilay nen Joiada a pari, ginagawa nen Joas iray makapaliket ed Katawan.

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

Exodo 11:3

Say Katawan impagmaliw ton magalang iray Egipsio ed saray Israelita. Impasen na saray opisyal tan amin a katoowan a matalonggaring a tuloy si Moises.

Ezekiel 33:32

Para sikara anggapoy pidomaan mod saray managpaliket na karaklan diad panamegley na kansion para arowan odino panagtogtog na arpa. Dedengelen da ray amin a sasalitaen mo, balet anggapoy anggan sakey ya oonuren da.

Daniel 4:18

“Sikato yay akogip ko,” kuanen Ari Nabucodonosor. “Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.”

Daniel 4:27

Kanyan, Kagalang ya Ari, tombuk mo pay simbawak. Tondaan mo lay mankasalanan, manggawa ka lay katonungan, tan kasian mo ray mairap-bilay. Diad satan mansiansia kan onaligwas.”

Daniel 5:17

Inmebat si Daniel, “Ag mo la nununoten itay pangiter mod siak na tumang; iter mo la ed arum a too. Ibasak ed Kagalang ya Ari so nisulat tan ibagak ed sika so kabaliksan to.

Mateo 14:5

Kanyan labay nen Herodes a pateyen si Juan, balet antakot ed saray Judio ta ipapasen dan propita si Juan.

Mateo 21:26

Balet no ibaga tayon nanlapud too, antakot tayo ed gawaey totoo, ta manisia ran sakey a propita si Juan.”

Marcos 11:18

Sayan inkagawa nadngelan na saray manonan papari tan saray iskriba, kanyan ginapoan day mananap na pakapatey dad kinen Jesus. Antakot irad sikato lapud mankelaw iray totoo ed saray bangat to.

Marcos 4:16

Saray arum a totoo aliling da ra may ilik a dinmapod dalin a batoy dalem to. Kadngel dad salita, awaten dan sililiket.

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

Saray Gawgawa 2:12

Nikelawan ira tan ag da atalusay nagagawa, kanyan nantetepetan ira, “Anto kasiy labay to yan ibaga?”

Saray Gawgawa 5:24

Mankelaw iray manonan papari tan say kapitan da ray guardia ed Timplo nen nadngel da ya, ta ag da amtay agawad saramay apostol.