Marcos 6:14 - Maung A Balita Biblia

¹⁴ Nadngelan nen Ari Herodes ira yan amin ya agawgawa, lapud bantug lay Jesus. Wala ray totoon inkuanda, “Inmolin binmilay si Juan a Managbinyag! Sikaton makapanggagawa na ontan la ran milagro.”

Maung a Balita Biblia

¹⁴ Nadngelan nen Ari Herodes ira yan amin ya agawgawa, lapud bantug lay Jesus. Wala ray totoon inkuanda, Inmolin binmilay si Juan a Managbinyag! Sikaton makapanggagawa na ontan la ran milagro.

Marcos 6:14 Iomraidhean Croise

2 Saray Awaran 26:15

Diad Jerusalem, saray marunong a kumikimey to et nanggawa ra na saray kagawaan a pangibansut na saray ankakabaleg a bato tan pana, manlapud saray tori tan saray sokung na padir na siudad. Kinmayat ed anggan iner a pasen so inkabantug nen Uzias, tan mapalaloy pakayari to lapud saray nidoma-doman tulong a nanaawat tod Dios.

2 Saray Awaran 26:8

Angiter na saray rigalo iray Ammonita ed kinen Uzias. Nagmaliw a mapalaloy pakayari to kanyan kinmayat ya anggan diad Egipto so inkabantug to.

Mateo 9:31

Balet kasiput da, imbabalita rad saman a pasen so ginawa nen Jesus.

Marcos 1:28

Maples a kinmayat diad amin a pasen na Galilea so balitan nipaakar ed kinen Jesus.

Marcos 1:45

Linma la may laki, balet imbabalita tod amin a pasen so agawad sikato. Diad karakel na angibalitaan to, si Jesus ag la makaonlan maparontal ed anggan anton baley. Nanaayam la sirin ed saray pasen ya ag natotoowan, tan diman la dinadagoy totoon nanlapud amin a lugar.

Marcos 8:28

Inmebat irad sikato, “Wala ray mangibabagan sika si Juan a Managbinyag. Ibabagay arum a sika si Elias; wala met iray mangibabagan sakey ka ed saray propita.”

Lucas 13:31

Sinmabi met ed saman ya oras iray pigaran Pariseo tan inkuandad kinen Jesus, “Taynan ka dia, ta labay to kan papatey nen Herodes.”

Lucas 3:1

Kumalabinliman taon la na panooley nen Impirador Tiberio. Si Poncio Pilato so gobirnador na Judea, si Herodes so manoley ed Galilea, tan si agi ton Felipe so manoley ed Iturea tan Traconite. Si Lisanias so manoley ed Abilinia.

Lucas 7:17

Binmawag yan balitan nipaakar ed kinen Jesus ed intiron Judea tan diad amin a kaliber-liber a pasen.

Lucas 9:19

“Wala ray mangibabagan sika si Juan a Managbinyag,” ebat da. “Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.”

1 TESALONICA 1:8

Ta diad panamegley yo aliwa labat a salitay Katawan so kinmayat ed Macedonia tan Acaya, no ag ingen pati say balitan nipaakar ed pananisia yod Dios so kinmayat ed amin a pasen. Ag la nakaukolan a mansalita kami niy nipaakar ed saya.

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.