Marcos 5:36 - Maung A Balita Biblia

³⁶ Balet ag inimano nen Jesus so imbaga ra. Inkuan to ingen ed kinen Jairo, “Ag ka natatakot; pabiskeg moy linawam.”

Maung a Balita Biblia

³⁶ Balet ag inimano nen Jesus so imbaga ra. Inkuan to ingen ed kinen Jairo, Ag ka natatakot; pabiskeg moy linawam.

Marcos 5:36 Iomraidhean Croise

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

Mateo 17:20

Inmebat si Jesus, “On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!”

Mateo 9:18

Nen peles nen Jesus ya ibabaga ra ya, sinmabiy sakey a Judion opisyal. Tinmalimukor ya angigalang ed arap nen Jesus tan inkuanto, “Kapatepatey na anak kon bii. Balet mila kad siak, itapew moy limam ed sikato, pian nabilay.”

Marcos 5:22

Wala met so dinmagon sakey a toon manngaray Jairo, sakey ya opisyal na sinagogad man. Kasabi to, dinmakmomod arap nen Jesus

Marcos 5:34

Inkuanen Jesus, “Anak ko, say pananisiam so amaabig ed sika. Onla kan mareen lay kalakal mo, tan ag la ompawil so sakit mo.”

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Lucas 8:50

Nen nadngel ya nen Jesus, inkuantod kinen Jairo, “Ag ka natatakot. Manisia ka labat et onabig la.”

Juan 11:40

Inkuanen Jesus ed sikato, “Ag ko ta imbagad sikan nanengneng moy pakayariy Dios no manisia ka?”