Marcos 5:23 - Maung A Balita Biblia

²³ tan akikasi, “Ompapatey so anak kon manmarmarikit. Mila ka kari, ta itapew mo labat so limam ed sikato, et onabig tao mambilay!”

Maung a Balita Biblia

²³ tan akikasi, Ompapatey so anak kon manmarmarikit. Mila ka kari, ta itapew mo labat so limam ed sikato, et onabig tao mambilay!

Marcos 5:23 Iomraidhean Croise

2 Saray Arari 5:11

Balet mamapasnuk a tinmaynan si Naaman tan kuantod sikaton dili, “Abaloan kon pawayan to ak, mampikasid Katawan a Dios to, ipetek-petek tod akating a partiy laman ko so lima to, tan paabigen to ak!

Saray Salmo 107:19

Insan diad inkagunigon da, tinmawag irad Katawan, et inyagel to rad paniirap da.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Mateo 8:3

Inyonat nen Jesus so lima to, diniwit to tan inmebat, “Labay ko. Abig ka la!” Inmabig a tampol imay toon akating.

Marcos 16:18

no mamemben iray oleg tan no oninom iray samal anggapoy maoges a nagawad sikara; tan onabig iray mansasakit a pangitapewan da ray lima ra.”

Marcos 5:24

Akilan tuay Jesus ed sikato. Dakerakel met iray totoon tinmombuk tan nantotolakan iran onsingger ed kinen Jesus.

Marcos 6:13

Dakel iray pinapaekal dan dimonyo ed saray totoon inaaponan. Dakel met iray mansasakit a pinopoyukan day larak, tan pinapaabig da ra.

Marcos 7:32

Inyasingger na pigaran totoo ed kinen Jesus so sakey a toon telek tan ataata, tan akikasi rad sikato ya itapew toy lima tod saman a laki.

Marcos 8:23

Intabin nen Jesus imay bulag tan impaway tod baley. Nilukdaan nen Jesus iray mata to may laki tan intapew tod sikato ray lima to, insan tinepet to, “Walay nanenengneng mo?”

Lucas 13:13

Insan intapew nen Jesus iray lima tod samay bii, et tampol a nampetek so beneg to tan indayew toy Dios.

Lucas 4:38

Tinmaynan si Jesus ed sinagoga tan linmad abung nen Simon. Atagey so petang na biin katolangan nen Simon, kanyan imbaga rad kinen Jesus.

Lucas 4:40

Kaselek na agew, amin iray manliliknay anggan anton sakit inyaakar na saray kakaaro ra ed kinen Jesus. Intatapew toy lima tod balang sakey ed sikara, tan pinapaabig to ran amin.

Lucas 7:12

Nen asingger lad puirtay baley, nabet toy tolur na bogbogtung a lakin anak na sakey a biin balo. Amayamay iray mitotolur.

Juan 11:3

kanyan nampabaki ra may agagi ton bibii ed kinen Jesus tan impaibaga ra, “Katawan, mansasakit imay malet a kaarom.”

Saray Gawgawa 28:8

Nibambanan akarokul so ama nen Publio, ta mampepetang tan walay disintiriya to. Linmoob si Pablo ed kuarto to may mansasakit. Kasumpal ton nampikasi, intapew to ray lima to ed sikato, tan pinaabig to.

Saray Gawgawa 6:6

Inyarap da rad saray apostol; insan impikasi ra na saray apostol, tan intatapew da ray lima ra ed sikara.

Saray Gawgawa 8:17

Intatapew di Pedro tan Juan iray lima ra ed sikara, tan inaawat na sarayan totoo so Ispiritu Santo.

Saray Gawgawa 9:12

Diad sakey a payawar, anengneng to kan linmoob ed kawalaan to, tan intapew mo ray limam ed sikato pian makanengneng lamet.”

Saray Gawgawa 9:17

Linma sirin si Ananias, linmoob ed abung, tan intapew to ray lima tod kinen Saulo. “Agin Saulo,” inkuanto, “imbaki ak dia na Katawan, say dilin Jesus a nampanengneng ed sikad dalan nen oonla ka dia. Imbaki to ak dia, pian makanengneng ka lamet tan napano kay Ispiritu Santo.”