Marcos 5:2 - Maung A Balita Biblia

² Kaepas nen Jesus ed baloto, inabet a tampol na sakey a lakin nanlapud saray inongib a lobuk. Inaponay ispiritun maoges yan laki,

Maung a Balita Biblia

² Kaepas nen Jesus ed baloto, inabet a tampol na sakey a lakin nanlapud saray inongib a lobuk. Inaponay ispiritun maoges yan laki,

Marcos 5:2 Iomraidhean Croise

Isaias 65:4

Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Marcos 1:23

Kabebekta linmoob ed sinagoga so sakey a lakin inaponay maoges ya ispiritu,

Marcos 1:26

Samay maoges ya ispiritu pinatayegteg ton maung imay laki, inmingal na maksil, insan inmekal ed sikato.

Marcos 3:30

Imbaga ya nen Jesus lapud kuanda ray arum, “Si Jesus inaponay maoges ya ispiritu.”

Marcos 3:9

Imbaga nen Jesus ed saray disipulo to a mangiparaan iray baloton loganan to, ta ompan narisgo lapud karakel na totoon onderesdes ed sikato.

Marcos 4:1

Nambangat lamet si Jesus ed gilig na Dayat na Galilea. Diad karakel na totoon dinmadagod sikato, linmogan ed sakey a baloton walad tapew na danum. Saray totoo balet, nandengel irad sakbit, diad gilig na danum.

Marcos 4:36

Tinaynan da sirin ira may totoo tan linmogan irad baloton kawalaan la nen Jesus, insan ira binmaliw. Wala met iray baloton kabansag da.

Marcos 5:21

Binmaliw lamet si Jesus ed biek na dayat, tan amayamay iray totoon dinmadagod sikato.

Marcos 5:3

tan manaayam ed saray inongib a lobuk. Anggapoy makarel ed sikato,

Marcos 5:8

(Imbaga to ya lapud inkuanen Jesus ed sikato, “Maoges ya ispiritu, ekal kad sayan too!”)

Marcos 7:25

Ta say insabi to so abalitaan na sakey ya ina a walay anak ton ogaw a biin inaponay maoges ya ispiritu. Dinago ton tampol si Jesus tan dinmakmomod arap to.

Lucas 8:27

Kasakbit nen Jesus, inabet na sakey a lakin taga diman. Inaponan na saray dimonyo yan laki, tan abayag lan ag mankakawes. Ag manaayam ed abung; diad saray inongib a lobuk so panaayaman to.

Lucas 9:42

Nen ondarago may ogaw, tinumbay dimonyo tan pinatayegteg to. Nampasnukan nen Jesus imay dimonyo, pinaabig to may ogaw, insan to impawil ed ama to.