Marcos 5:15 - Maung A Balita Biblia

¹⁵ Kaasingger dad kinen Jesus, anengneng da may lakin inaponan nen saman na saray dimonyo. Wadman a manyodyorung, akakawes la, tan duga lay kalakal to. Diad impakanengneng da, ataktakot ira.

Maung a Balita Biblia

¹⁵ Kaasingger dad kinen Jesus, anengneng da may lakin inaponan nen saman na saray dimonyo. Wadman a manyodyorung, akakawes la, tan duga lay kalakal to. Diad impakanengneng da, ataktakot ira.

Marcos 5:15 Iomraidhean Croise

1 Saray Awaran 13:12

Insan tinmakot si David ed Dios tan kuanto, “Panon ko natan ya isempet so Kaban na Sipanan?”

1 Saray Awaran 15:13

Anggapo kayod man a mangawit nen inmona, kanyan say Katawan a Dios tayo dinusa to itayo lapud ag tayo inggalang onung na nepeg a pangigalang ed sikato.”

Say Libro nen Job 13:11

tan diad pakayari to taktakoten to kayo.

Saray Salmo 14:5

Balet ontan lay kataktakot da, ta pipilaan na Dios iray totoon matonung.

Mateo 12:29

“Anggapoy makaloob a mantakew ed abung na toon mabiskeg, likud no baluren to ni kasakbayan ton takewan. No abalur to la, sikato labat so pakaloob tod abung a mantakew.

Mateo 26:53

Ag mo ta amtan nayarian koy onkerew na tulong ed Amak, tan mangibakin tampol dia na masoluk a labinduan batalyon na anghil?

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Mateo 9:33

Kapangekal nen Jesus ed dimonyo, ginapoan to may laki so nansalita. Mankelaw iran amin. Inkuanda, “Ag kami ni akanengneng na onya lan pakayari ed Israel!”

Marcos 5:14

Binmabatik ira may mankokomponi na saray baboy tan imbabalita rad baley tan diad saray bario so agawa. Kanyan dinmadago ray totoo, ta nengnengen da no antoy agawa.

Marcos 5:16

Saramay akaimaton tinongtong dad saray dinmadagon totoo no antoy agawad samay lakin inaponan na saray dimonyo, tan no antoy agawad saramay baboy.

Marcos 5:18

Nen onlologan lay Jesus ed baloto, samay toon inaponan na saray dimonyo kinerew ton mila,

Marcos 5:4

ta amimpiga-piga da lan binalur iray lima tan saray sali to, balet kapag baluren da sarasarag ton pulpultoten so golung-golung tan pangpangen iray balatyang ed saray sali to. Diad kinabiskeg to anggapoy toon makapangipuger ed sikato.

Marcos 5:9

Tinepet nen Jesus, “Antoy ngaran mo?” “Say ngaran ko ‘Amayamay,’ ta dakel kami,” inkuanto.

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

Lucas 8:27

Kasakbit nen Jesus, inabet na sakey a lakin taga diman. Inaponan na saray dimonyo yan laki, tan abayag lan ag mankakawes. Ag manaayam ed abung; diad saray inongib a lobuk so panaayaman to.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

2 Timoteo 1:7

Ta say Ispiritun inter na Dios ed sikatayo et ag to itayo pagmaliwen a matakot, no ag ta initdan to itayoy pakayari, panangaro, tan panagadya ed sikatayon dili.

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”