Marcos 4:40 - Maung A Balita Biblia

⁴⁰ Kayari to man, kuanen Jesus ed sikara, “Akin et agaylay takot yo? Anggapo ta niy pananisia yo?”

Maung a Balita Biblia

⁴⁰ Kayari to man, kuanen Jesus ed sikara, Akin et agaylay takot yo? Anggapo ta niy pananisia yo?

Marcos 4:40 Iomraidhean Croise

Isaias 42:3

Ag to poteren so pikewet a tanobung odino erepen so makuykuyep a lamparaan. Iyakar toy mansiansian inkatonung ed amin a katoowan.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Mateo 14:31

Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Mateo 16:8

Amta nen Jesus so pantotongtongan da, kanyan tinepet to, “Akin et pantotongtongan yoy ag yo impanbalon na tinapay? Makapoy so pananisia yo!

Mateo 6:30

No say Dios so mangakawes ed saray karikaad kaalogan, a mabilay ira natan tan napoolan la ra nabwas, ag lalo kasin kawesan to kayo? Agaylay kapoy na pananisia yo!

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Marcos 4:41

Asabian iray balbaleg a takot tan inkuandad sakey tan sakey, “Siopa kasi yan too, a pati say dagem tan saray daluyon et ontotoluk irad sikato?”

Lucas 8:25

Insan kuantod saray disipulo, “Iner so kawalaay pananisia yo?” Balet mankelaw tan natatakot ira, tan inkuandad sakey tan sakey. “Siopa kasi yan too et igganggan toy anggan say bagyo tan saray daluyon, et ontotoluk irad sikato?”