Marcos 4:39 - Maung A Balita Biblia

³⁹ Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.

Maung a Balita Biblia

³⁹ Binmangon si Jesus tan ingganggan to may maksil a bagyo, Tonda ka! Insan kuantod saray daluyon, Deen kayo! Tinmondan tuay bagyo tan dinmeen a maung so dayat.

Marcos 4:39 Iomraidhean Croise

Say Libro nen Job 38:11

Imbagak ed dayat, “Angga ka dia labat tan ag ka la onlalabsan! Dia mangangga iray mabiskeg a daluyon mo.”

Saray Salmo 107:29

Pinatonda toy maksil a bagyo, et dinmeen iray daluyon.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Saray Salmo 29:10

Ooleyan na Katawan iray danudanum; manari ya anggad angga.

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Saray Salmo 89:9

Ooleyan moy makapanyarin dayat; papareenen mo ray ankakabaleg a daluyon to.

Exodo 14:16

Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da.

Exodo 14:22

tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum.

Probirbio 8:29

tan ingganggan to ray danum na dayat ya ag ira onlabsan ed imbaga ton panganggaan da. Wadman ak la nen saray pundasion na mundo et inletneg to ra.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Saray Tagleey 3:31

Mapangasi so Katawan tan ag to itayo ikaindan ed ando lan ando.

Nahum 1:4

Igaganggan toy dayat et oneekat! Paeekaten to ray ilog! Namamagaan iray kaalogan na Basan, namamagaan so Palandey na Carmelo, tan nalalaylay iray rosas na Libano.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Marcos 4:38

Akadanganan a naogip si Jesus, diad bandad samput na baloto. Niliing na saray disipulo tan inkuanda, “Maistro, anggapo labat so pagpagam? Onlelereg itayo la!”

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Lucas 4:35

Ingganggan nen Jesus imay maoges ya ispiritu, “Ag ka maingal! Ekal kad sikato!” Tinumba na dimonyo may laki ed arap na amin a totoo, insan inmekal ya ag to pinasakitan.

Lucas 4:39

Dinago nen Jesus tan nanalagey ed abay na dinokulan to, insan to ginanggan ya onekal imay petang. Nakal so petang to may bii, binmangon a tampol, tan nansirbid sikara.

Lucas 8:24

Sininggeran na saray disipulo si Jesus tan binangon da. “Maistro, Maistro, onlelereg itayo la!” kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.