Marcos 4:32 - Maung A Balita Biblia

³² Balet no nitanem la, ombaleg tan magmaliw a sankabalegan ed saray tantanaman. Mansanga na masalsalompapak, tan nayarin panobungan na saray manok ed tagey.”

Maung a Balita Biblia

³² Balet no nitanem la, ombaleg tan magmaliw a sankabalegan ed saray tantanaman. Mansanga na masalsalompapak, tan nayarin panobungan na saray manok ed tagey.

Marcos 4:32 Iomraidhean Croise

Saray Salmo 104:12

Diad saray kiew ed kaliber-liber, manggagaway obung iray manok tan mankankanta ra.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Kanta nen Solomon 2:3

Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Ezekiel 17:23

diad sankatageyan a palandey na Israel. Mansanga may tanaman tan mambunga, et magmaliw a nidoma-doman kiew a sidro. Manayam irad may amin a klasiy manok tan onsirum ira ed silong to.

Marcos 4:31

Say Panariay Dios aliling toy bokel na mustasa, a sankamelagan a bokel diad tapew na dalin.

Marcos 4:33

Onyay impanpupulong nen Jesus ed salitay Dios, diad panamegley na amayamay ya alimbawa. No kaonungay nayarian dan talusan, ontan met so imbabangat tod sikara.