Marcos 4:28 - Maung A Balita Biblia

²⁸ Say dalin so mamapabaleg tan mamapabunga: ontubon onaan, mambolung, tan diad kaonuran, mambunga.

Maung a Balita Biblia

²⁸ Say dalin so mamapabaleg tan mamapabunga: ontubon onaan, mambolung, tan diad kaonuran, mambunga.

Marcos 4:28 Iomraidhean Croise

Genesis 2:9

Pinatubo to rad may amin a klasiy mararakep a kiew tan pinabunga to ra na masasamit a prutas. Diad pegley na tanamanan so kawalaan na kiew a mangiiter na bilay, tan say kiew a mangiiter na pakaamta ed maung tan maoges.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Ecclesiastes 3:1

Amin a nagagawa diad tapew na dalin nagagawa ed panaon a pipilien na Dios.

Ecclesiastes 3:11

Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Mateo 13:26

Tinmubo ray trigo tan nen ombebeyag la ra, pinmaway met iray dika.

Marcos 4:27

Kasumpal to, naogip no labi tan ombangon no agew. Saray ilik balet, ontutubo tan ombabaleg ira, ya ag to amta no panon so itutubo tan ibabaleg da.

Marcos 4:29

No tinmakken la ray bunga, samay nantanem anien to la ra, ta asabi lay panagani.”

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.