Marcos 3:4 - Maung A Balita Biblia

⁴ Insan to tinepet ed saray totoon wadman, “Antoy nayarin gawaen no Agew na Panagpainawa, onung ed Ganggan? Say panggaway maung, o say panggaway maoges? Say panambut na bilay, o say pamatey ed sakey a too?” Balet anggapoy eseesel da.

Maung a Balita Biblia

⁴ Insan to tinepet ed saray totoon wadman, Antoy nayarin gawaen no Agew na Panagpainawa, onung ed Ganggan? Say panggaway maung, o say panggaway maoges? Say panambut na bilay, o say pamatey ed sakey a too? Balet anggapoy eseesel da.

Marcos 3:4 Iomraidhean Croise

Oseas 6:6

Say ag mangoman a panangaro yo so labay ko, aliwan saray ibagat yon ayayep. Labay ko nin naamtaan ak na saray totook nen say mangisaklang irad siak na bagat a popoolan.

Marcos 3:3

Inkuanen Jesus ed samay lakin aparalisis so lima to, “Gala diad arap.”

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Marcos 9:34

Ag ira inmesel, lapud say pansasangsangan da et no siopay manona ed sikara.

Lucas 6:9

Insan inkuanen Jesus ed sikara, “Tepetan ta kayo pa: Antoy nayarin gawaen no Agew na Panagpainawa, onung ed Ganggan? Say panggaway maung, o say panggaway maoges? Say panambot na bilay o say pamatey ed sakey a too?”