Marcos 3:24 - Maung A Balita Biblia

²⁴ No manlalaban iray totood sakey a nanarian, ag mambayag itan a nanarian.

Maung a Balita Biblia

²⁴ No manlalaban iray totood sakey a nanarian, ag mambayag itan a nanarian.

Marcos 3:24 Iomraidhean Croise

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

2 Samuel 20:6

Kanyan inkuan na ari ed kinen Abisai, “Mapalalo nin gunigon so iter nen Seba nen si Absalom. Alam iray totook ta osilan yo, ta no andi onloob ed pigaran baley ya aliber na padir insan to tayo la ibatikan.”

Ezekiel 37:22

Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.

Zacarias 11:14

Insan ko pinoter imay sakey nin bastun, samay tatawagen na “Pankakasakey,” et naandi so pankakasakey na Juda tan Israel.

Mateo 12:25

Amta nen Jesus so walad isip da, kanyan inkuantod sikara, “Ag mambayag so nanarian a pankokolkolay totoo ya apagen. Ontan met ya ag mansiansia so balang baley o pamilya a naapag-apag tan manlalaban iray kabyangan to.

Marcos 3:23

Pinaasingger nen Jesus sirin iray totoo tan sinalita tod sikaray pigaran alimbawa. Inkuanto, “Nayari kasin si Satanas et paekalen toy sikaton dili?

Marcos 3:25

No manlalaban iray kabyangan na sakey a pamilya, naderal itan a pamilya.

Juan 17:21

pian magmaliw iran amin a saksakey komun. Ama! Mikasakey ira komud sikata, a singa kiwalam ed siak tan siak ed sika, pian manisiay sankamundoan ya imbaki mo ak.