Marcos 3:23 - Maung A Balita Biblia

²³ Pinaasingger nen Jesus sirin iray totoo tan sinalita tod sikaray pigaran alimbawa. Inkuanto, “Nayari kasin si Satanas et paekalen toy sikaton dili?

Maung a Balita Biblia

²³ Pinaasingger nen Jesus sirin iray totoo tan sinalita tod sikaray pigaran alimbawa. Inkuanto, Nayari kasin si Satanas et paekalen toy sikaton dili?

Marcos 3:23 Iomraidhean Croise

Saray Salmo 49:4

Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Mateo 13:3

Dakerakel a bengatla so sinalita nen Jesus ya imparalan ed alimbawa. Inkuanto: “Walay sakey a dumaralus a linman nampasek.

Mateo 13:34

Amin iray imbaga nen Jesus ed totoo imparalan tod saray alimbawa. Anggapoy imbaga tod sikara ya ag imparalan ed alimbawa.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Marcos 12:1

Insan nansalitay Jesus ed sikara diad panamegley na saray alimbawa. Inkuanto, “Walay sakey a toon nantanem na saray ubas. Inalar to tan nanggaway panagpespesan na saray ubas. Amaalagey met na atagey a panagbantayan. Impaasikaso tod saray kasamak, insan linma ed sananey a bansa.

Marcos 3:24

No manlalaban iray totood sakey a nanarian, ag mambayag itan a nanarian.

Marcos 4:11

Inkuanen Jesus, “Niiter ed sikayoy pakaamta ed saray maamut a bengatlan nipaakar ed Panariay Dios, balet saray arum narerengel da labat ed panamegley na alimbawa.

Marcos 4:2

Amayamay iray imbangat tod sikara ya imparalan ed alimbawa. Diad pambabangat to inkuantod sikara: