Marcos 2:7 - Maung A Balita Biblia

⁷ “Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?”

Maung a Balita Biblia

⁷ Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?

Marcos 2:7 Iomraidhean Croise

Say Libro nen Job 14:4

Anggapoy malinis a napapaway ed antokaman a marotak a singa say too.

Saray Salmo 130:4

Balet pipirdonaen mo kami, kanyan nepeg mi kan igalang.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Daniel 9:9

Mapangasi tan manamirdona ka, anggaman a sinmumpa kamid sika.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mateo 26:65

Kadngel na Pangulon Pari ed saya, ginebyas ton pinilat so kawes to tan inkuanto, “Nansalitay sumpad Dios! Ag tayo la nakaukolay arum ni ran tasi! Nadngel yoy kaogsay salita ton sumpad Dios!

Mateo 9:3

Wala met diman iray pigaran iskriba tan inkuandad kanunotan da, “Sayan too et mansasalitay sumpad Dios!”

Marcos 14:64

Nadngel yoy kaogsay salita ton sumpad Dios! Antoy kuanyo?” Nankakasakeyan dan amin a si Jesus et nepeg a pateyen.

Marcos 2:6

Wala met diman iray akayorung a pigaran iskriba tan inkuandad kanunotan da,

Marcos 2:8

Amtan tampol nen Jesus so walad kanunotan da, kanyan inkuantod sikara, “Akin et ontay walad kanunotan yo?

Lucas 5:21

Saramay Pariseo tan saramay iskriba inkuandad kanunotan da, “Siopa yan too et sumpad Dios so sasalitaen to? Siopay makapirdona na kasalanan no ag say Dios labat?”

Lucas 7:49

Saray karongo tod lamisaan inkuandad sikaran dili, “Siopa ya kasin too et mamipirdonay pati anggan saray kasalanan?”

Juan 10:33

Inmebat iray Judio, “Ag mi ka tupaken lapud saray maung a gawa, balet lapud maoges a panagsalitam a sumpad Dios! Gagawaen moy sikan dili a Dios, anta too ka!”

Juan 10:36

No say siak, pinili ak na Ama tan imbaki to ak ed mundo. Panon sirin so pangibaga yon mansasalita ak na maoges sumpad Dios diad pangibabagak ya Anak ak na Dios?