Marcos 2:25 - Maung A Balita Biblia

^25-26 Inmebat si Jesus, “Ag yo ta nin balut abasa so ginawa nen David nen si Abiatar so Pangulon Pari? Nen si David tan saray kakaiba to et narasan ira tan anggapoy naakan da, linmoob irad abung na Dios tan kinan day tinapay ya imbagat ed Dios. Onung ed Ganggan, say pari labat so nayarin mangan na sayan tinapay, balet kinan nen David tan initdan to ni ra may kakaiba to.”

Maung a Balita Biblia

^25-26 Inmebat si Jesus, Ag yo ta nin balut abasa so ginawa nen David nen si Abiatar so Pangulon Pari? Nen si David tan saray kakaiba to et narasan ira tan anggapoy naakan da, linmoob irad abung na Dios tan kinan day tinapay ya imbagat ed Dios. Onung ed Ganggan, say pari labat so nayarin mangan na sayan tinapay, balet kinan nen David tan initdan to ni ra may kakaiba to.

Marcos 2:25 Iomraidhean Croise

Mateo 19:4

Inmebat si Jesus, “Ag yo ta nababasad Masanton Sulat a nanlapud gapo et pinalsay Dios so laki tan bii?

Mateo 21:16

Tinepet dad kinen Jesus, “Narerengel moy ibabaga ra?” “Narerengel ko,” ebat to. “Ag yo ta ni abasad Masanton Sulat? ‘Imbangat mo ray ogogaw tan saray mansususo a mangiter na nagnap a dayew.’”

Mateo 21:42

Inkuanen Jesus, “Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!’

Mateo 22:31

Natan, nipaakar ed kiolid bilay: ag yo ta ni nababasay imbaga na Dios ed sikayo? Ta inkuanto,

Mateo 4:2

Kasumpal nen Jesus a nanayunoy apataplon agew tan labi, narasan.

Marcos 12:20

Wala nen saman iray pitoran sanaagi. Angasawa may pangulowan, balet inatey ya anggapoy ilalak.

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, ‘Siak so Dios nen Abraham, Dios nen Isaac, tan Dios nen Jacob.’

Marcos 2:24

Kanyan saray Pariseo inkuandad kinen Jesus, “Nengneng moy gagawaen da ra tay disipulom. Sebel itan no Agew na Panagpainawa!”

Lucas 10:26

Inmebat si Jesus ed sikato, “Antoy nisulat ed Ganggan? Panoy pangipapatalus mo?”