Marcos 2:22 - Maung A Balita Biblia

²² Anggapo met so toon mangikargay balon alak ed pananginan a katat a dagdaan la. Ta no onyay gawaen to, say balon alak pilaten toy pananginan a katat, et nadarak so alak tan say pananginan. Kanyan say balon alak nepeg ya ikargad balon pananginan!”

Maung a Balita Biblia

²² Anggapo met so toon mangikargay balon alak ed pananginan a katat a dagdaan la. Ta no onyay gawaen to, say balon alak pilaten toy pananginan a katat, et nadarak so alak tan say pananginan. Kanyan say balon alak nepeg ya ikargad balon pananginan!

Marcos 2:22 Iomraidhean Croise

Say Libro nen Job 32:19

No ag ak naitdan na pankanawnawan mansalita, ompatduk ak a singa pananginan a katat a napnoy balon alak.

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

Saray Salmo 119:83

Andi-kakanaan ak a singa imbantak a supot a katat a pananginay alak; anggaman ontan ag ko lilingwanan iray ganggan mo.

Mateo 9:17

Anggapo met so mangikargay balon alak ed pananginan a katat a dagdaan la. Ta no onyay gawaen to, ompatdok imay pananginan, naibung so alak, tan naderal ni may katat. Nepeg a say balon alak ikargad balo met a pananginan, pian mambayag iran dua.”

Marcos 2:21

“Anggapoy mangisakab na balon abel ed daan a kawes. Ta no onyay gawaen to, samay balon abel ya insakab et lalon pabalegen to ni may botaw na daan a kawes.

Marcos 2:23

Aminsan ya Agew na Panagpainawa, ondaralan ed katrigowan si Jesus tan saray disipulo to. Nen manaakar ira, nanaala ra may disipulo to na bungay trigo.

Josue 9:13

Nen pinano mi ra yan katat a pananginay alak, balo ni ra, balet natan apilat la ra. Apilat la ray kawes tan saray sandalya mi lapud bayag na impankurang mi.”

Josue 9:4

ninunot dan palikdoen si Josue. Angaala ray kakanen tan pinapano ray beneg na asno ra na saray napipilat lan sako tan saray sakaban a katat a pananginay alak.