Marcos 2:21 - Maung A Balita Biblia

²¹ “Anggapoy mangisakab na balon abel ed daan a kawes. Ta no onyay gawaen to, samay balon abel ya insakab et lalon pabalegen to ni may botaw na daan a kawes.

Maung a Balita Biblia

²¹ Anggapoy mangisakab na balon abel ed daan a kawes. Ta no onyay gawaen to, samay balon abel ya insakab et lalon pabalegen to ni may botaw na daan a kawes.

Marcos 2:21 Iomraidhean Croise

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Mateo 9:16

“Anggapoy toon mangisakab na balon abel ed daan a kawes. Ta no kinmosen imay insakab, lalon pabalegen to ni may botaw na daan a kawes.

Marcos 2:20

Balet onsabiy agew ya ontaynan lay nubio; sikato lad satay panayuno ra.

Marcos 2:22

Anggapo met so toon mangikargay balon alak ed pananginan a katat a dagdaan la. Ta no onyay gawaen to, say balon alak pilaten toy pananginan a katat, et nadarak so alak tan say pananginan. Kanyan say balon alak nepeg ya ikargad balon pananginan!”

Lucas 5:36

Sinalita nen Jesus met yan alimbawa ed sikara, “Anggapoy mamilat na balon abel, insan to isakab ed daan a kawes. Ta no onyay gawaen to, naderal to may balon kawes, tan sakey ni, mabambanday.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.