Marcos 2:20 - Maung A Balita Biblia

²⁰ Balet onsabiy agew ya ontaynan lay nubio; sikato lad satay panayuno ra.

Maung a Balita Biblia

²⁰ Balet onsabiy agew ya ontaynan lay nubio; sikato lad satay panayuno ra.

Marcos 2:20 Iomraidhean Croise

Saray Salmo 45:11

Lapud gangganam, pampirawatan kay ari; sikatoy katawan mo, kanyan nepeg mon onuren.

Kanta nen Solomon 3:11

Bibiid Sion, gali dia ta nengneng yoy Ari Solomon. Akakorona na koronan intoon nen ina to diad samay agew na impankasal to, diad samay agew na impanliket tan impanggayaga to.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Mateo 26:31

Inkuanen Jesus ed sikara, “Diad saya met lamlamang a labi, ibatikan tan taynan yo ak ya amin, ta ibabagay Masanton Sulat, ‘Pateyen na Dios so pumapastol, et nataytayak iray karniro.’

Mateo 9:15

Inmebat si Jesus, “Manermen sirin iray mibabansal? Andi! Ambegyan wadman ni so nubio, ag ira manermen. Balet onsabi so agew ya ontaynan lay nubio; sikato lad satay panayuno ra.

Marcos 2:19

Inmebat si Jesus, “Napanayuno yo kasi ray mibabansal leleg a kaiba ra niy nubio? Ambegyan kaiba ra niy nubio, ag ira makapanayuno.

Marcos 2:21

“Anggapoy mangisakab na balon abel ed daan a kawes. Ta no onyay gawaen to, samay balon abel ya insakab et lalon pabalegen to ni may botaw na daan a kawes.

Lucas 17:22

Insan inkuantod saray disipulo, “Onsabiy panaon a pampilalekan yon nanengneng so anggan sakey labat ed saray agew na Anak na Too, balet ag yo nanengneng.

Lucas 5:35

Balet onsabiy agew ya ontaynan lay nubio; sikato lad satay panayuno ra.”

Juan 12:8

Kaiba yo lawas iray mairap-bilay, balet ag yo ak lawas kaiba.”

Juan 13:33

Anak, maganggano lay piolup kod sikayo. Anapen yo ak naani, balet ibagak natan ed sikayo may imbagak lad saray Judio, ‘Ag kayo makaonla ed laen ko.’

Juan 16:28

Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Juan 16:7

Balet nepeg yon naamtaay katwaan a pankaabigan yoy itaynan ko, ta no ag ak ontaynan, ag onsabid sikayoy Mananulong; balet na ontaynan ak, ibakik so Mananulong ed sikayo.

Juan 17:11

Natan onla ak lad sika. Ontaynan ak la diad mundo, balet wadya ni rad mundo. O Aman Masanto! Asikasom irad panamegley na pakayariy ngaran mon inter mod siak, pian magmaliw iran saksakey a singa sikata.

Juan 17:13

Natan onla ak lad sika; ibabagak ira ya leleg kon wadyad mundo, pian napanoy puso ra na liket ko.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Saray Gawgawa 1:9

Kapangibaga to ya, niatagey ed tawen leleg dan nenengnengen, insan asaniban na lorem.

Saray Gawgawa 14:23

Diad balang iglisian nila ra, nampili ray mamatakken ya onsalat ed sikara a mangasikaso. Kasumpal dan mampikasi tan manayuno, ipia da rad Katawan ya anisiaan da.

Saray Gawgawa 3:21

Nakaukolan a manayam nid tawen ya anggad panaon a napasimbalo ray amin a bengatla, onung na imbagay Dios nen saman ni, diad panamegley da ray masanton propita to.

1 CORINTO 7:5

Ag kayo mansisibletay liket na laman, likud labat no mampaknaan kayon ag manakdul a magano, pian niiter yoy panaon yo ed pampikasi. Balet pawil kayon manakdul lamet, pian nipaliis kayod pananukso nen Satanas, lapud ag yo pakatepel.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

2 CORINTO 6:5

Binabasigan, impripriso, tan ginogolo da kami. Asalsali miy aposaposan ed panagkimey, sanlabin ag naogip, tan ag angan ed pigaran agew.

Puyan 19:7

Nepeg tayoy manliket tan manggayaga; iter tayoy galang ed sikato! Ta asingger lan mankasal so Kordiro. Say nobia imparaan to lay sikaton dili;

Puyan 21:9

Inmasingger ed siak so sakey ed saramay pitoran anghil a sankaawit da ray pitoran yaung a napnoy pitoran kaonuran a salot. Inkuantod siak, “Gala dia, ta ipanengneng kod sikay Nobia, say asawa na Kordiro.”