Marcos 16:1 - Maung A Balita Biblia

¹ Asumpal lay Agew na Panagpainawa. Si Maria Magdalena, si Maria ya ina nen Santiago, tan si Salome, analiw iray pabalingit ya ipoyuk dad bangkay nen Jesus.

Maung a Balita Biblia

¹ Asumpal lay Agew na Panagpainawa. Si Maria Magdalena, si Maria ya ina nen Santiago, tan si Salome, analiw iray pabalingit ya ipoyuk dad bangkay nen Jesus.

Marcos 16:1 Iomraidhean Croise

Genesis 50:2

Insan to ingganggan iray aripen ton doktor ya ibalsamo ray bangkay nen ama to.

2 Saray Awaran 16:14

insan nipompon ed lobuk ya inongib ed balbaleg a bato. Impagawa to yan lobuk a para sikato diad Siudad nen David. Nambabangil a rikado tan pabalingit so inkakana ra ed bangkay to ya impompon. Nampool iray balbaleg a pangipanengneng na ermen dad impatey to.

Marcos 14:3

Si Jesus walad abung nen Simon ya akating, diad Betania. Nen mangakan, inmasingger so sakey a biin sankaawit toy botilyan alabastro a napnoy mabmablin pabalingit a ginawad puron nardo. Binetag toy sangab na botilya, insan to inkalbod olo nen Jesus imay pabalingit.

Marcos 14:8

Ginawa na sayan bii so anggaay nayarian to. Kinalboan toy laman ko na pabalingit a pangiparaan na pangipompon ed siak.

Marcos 15:40

Wala ray pigaran bibii a walad bandad arawi ya onnenengneng ed nagagawa. Wadman met ira di Salome, Maria Magdalena, tan sakey nin Maria ya ina nen Jose tan si Santiago a yogtan to.

Marcos 15:42

Onlalabi la nen sinmabiy Jose a taga Arimatea. Sikatoy sakey ed saray gagalangen a kabyangay Sanidrin, tan mampipilalek ed isabi na Panariay Dios. Agew ed saman a Panagparaan (salanti say agew na kasakbayan na Agew na Panagpainawa), kanyan linman mataletalek si Jose ed kinen Pilato tan kinerew ton alaen so bangkay nen Jesus.

Marcos 15:47

Ombabantay si Maria Magdalena tan si Maria ya ina nen Jose, kanyan anengneng day angipomponan ed kinen Jesus.

Marcos 16:2

Diad kabkabwasay Simba, nen ompapaway lay agew, linma rad pantion.

Marcos 16:8

Kanyan pinmaway tan batik ira lapud mapalaloy takot tan pankelaw da. Anggapon balut so imbagbaga rad arum, ta natatakot ira. [

Lucas 23:54

Agew na Panagparaan ed saman ya agew, tan ngalngali la onggapoy Agew na Panagpainawa.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Lucas 24:1

Kabkabwasay Simba, linma ra may bibii ed lobuk a sankaawit da ra may pabalingit ya imparaan da.

Juan 19:25

Manalalagey ed abay na krus nen Jesus si ina to, say bii ya agi nen ina to, si Maria ya asawa nen Cleopas, tan si Maria Magdalena.

Juan 19:31

Agew na Biarnes ed saman, et ag labay na saray Judio a natilak so bangkay ed tagey na krus no Agew na Panagpainawa, ta masanto yan agew ed sikara. Kanyan kinerew dad kinen Pilato ya iyabuloy ton poteren da ray bikking da ra may impasak ed krus, tan iyepas da ra.