Marcos 15:19 - Maung A Balita Biblia

¹⁹ Pinapaspas day olo to tan nilulukdaan da, insan ira nantatalimukor a mangigalang ed sikato.

Maung a Balita Biblia

¹⁹ Pinapaspas day olo to tan nilulukdaan da, insan ira nantatalimukor a mangigalang ed sikato.

Marcos 15:19 Iomraidhean Croise

Genesis 24:52

Nen nadngel ya na samay aripen nen Abraham, dinmakmomo tan inggalang toy Katawan.

Genesis 43:28

Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

Say Libro nen Job 13:9

No sukayan to kayo wala kasiy narumog ton kamaungan? Abaloan yon napalikdo yoy Dios a singa pamapalikdo yod saray totoo?

Saray Salmo 69:12

Tongtongtongen da ak ed tindaan, tan saray buanges et manggagawa ra na saray kanta a nipaakar ed siak.

Isaias 45:23

Tua so sipan ko, tan ag balut naoman. Sasambaan kod siak a dili; Ondagod siak so balang sakey tan ontalimukor irad arap ko tan sambaan dan matoor irad siak.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Isaias 52:14

Amayamay iray atalagnaw nen anengneng day aripen ko; asugat-sugat so intiron laman to kanyan singa aliwa lan tooy nengneng to.

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Mateo 27:30

Nilulukdaan da, inala ra may bislak tan impapaspas dad olo to.

Marcos 10:34

Ludlureyen, luklukdaan, lewetleweten, tan pateyen da. Balet onolid bilay kasumpal na taloy agew.”

Marcos 14:65

Ginapoan na saray arum a nilulukdaan si Jesus tan pinerengan da. Kinakabil da tan kuanda, “Ibagam pa no siopay angabil ed sika?” Inala na saray guardia, insan da met tinatampal.

Marcos 15:18

Inggagalang dad satan a kuanda, “Andokey komun so bilay na Ari da ray Judio!”

Marcos 15:20

Kasumpal dan niludlurey, nilakseb da may granatin inkawes dad sikato tan insolung da may dilin kawes to. Insan da impaway ya ipasak ed krus.

Marcos 9:12

Inmebat ed sikara, “Tua ya ononan onsabiy Elias tan pasimbaloen ton amin iray bengatla. Balet akin et ibabagay Masanton Sulat a mapalaloy kairapan na Anak na Too tan nabalaw-balaw?

Lucas 22:63

Saray totoon mambabantay ed kinen Jesus niludlurey tan sinisiplatan da.

Lucas 23:11

Si Herodes tan saray sondalo to niludlurey tan pinapabaingan day Jesus. Sinolungan day marakep a kawes, insan da impawil ed kinen Pilato.

Lucas 23:36

Niludlurey met na saray sondalo; inasinggeran da, initdan day alak

Saray Taga Roma 11:4

Balet antoy inebat na Dios ed sikato? “Angikera ak na piton libo a totoon lalaki para siak, a sikaray ag angigalang ed kinen Baal a dios.”

FILIPOS 2:10

Diad ontan, amin da ray apalsan walad tawen, diad mundo tan dalem na dalin. ontalimukor iran mangigalang ed ngaran nen Jesus.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.