Marcos 14:72 - Maung A Balita Biblia

⁷² Diad saman a bekta, kinmukaok lamet so lalung. Insan anunotan nen Pedro may sinalita nen Jesus ed sikato, “Kasakbayan a pidwan ikukaok na lalung, ibori mo ak a mamitlo!” Inmakis na ampaipait si Pedro.

Maung a Balita Biblia

⁷² Diad saman a bekta, kinmukaok lamet so lalung. Insan anunotan nen Pedro may sinalita nen Jesus ed sikato, Kasakbayan a pidwan ikukaok na lalung, ibori mo ak a mamitlo! Inmakis na ampaipait si Pedro.

Marcos 14:72 Iomraidhean Croise

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Mateo 26:34

Inmebat si Jesus, “Tandaan mo ya! Kasakbayay ikukaok na lalung ed sayan labi, mamitlon ibagam ya ag mo ak kabat.”

Marcos 14:30

Inmebat si Jesus, “Tandaan mo ya! Kasakbayay pidwan ikukaok na lalung ed sayan labi, mamitlon ibagam ya ag mo ak kabat.”

Marcos 14:68

Balet imbori nen Pedro tan inkuanto, “Ag ko amta…ag ko natatalusan itay ibabagam!” Insan linmad puirtay solar. Diad saman a bekta kinmukaok so sakey a lalung.

Marcos 14:71

Balet nansamba lay Pedro a kuanto, “Nitay Dios, anggan dusaen to ak no mantitila ak! Tua ya ag ko kabat itay toon ibabaga yod siak!”

Lucas 22:60

Balet inkuanen Pedro, “Ag ko amta tay ibabagam!” Kabebekta nen mansasalita ni, kinmukaok so sakey a lalung.

Lucas 22:62

Pinmaway si Pedro tan inmakis na ampaipait.

2 CORINTO 7:10

Ta say ermen a manlalapud Dios omanen toy puso tan mansumpal ed kilalaban, et ag itan nepeg a panermenan! Balet say ermen a manlalapud sankamundoan mansumpal ed patey.