Marcos 14:12 - Maung A Balita Biblia

¹² Diad ononan agew na Pistay Tinapay ya Anggapoy Libadura, a sikato met so panagpatey na saray kilaw a karniro ya onkanad Paskua, tinepet da ray disipulo ed kinen Jesus, “Iner so labay mon pangiparaanan miy panganan moy Paskua?”

Maung a Balita Biblia

¹² Diad ononan agew na Pistay Tinapay ya Anggapoy Libadura, a sikato met so panagpatey na saray kilaw a karniro ya onkanad Paskua, tinepet da ray disipulo ed kinen Jesus, Iner so labay mon pangiparaanan miy panganan moy Paskua?

Marcos 14:12 Iomraidhean Croise

Exodo 12:18

Manlapud labi na kumalabinapat ya agew na ononan bulan ya anggad labi na kumaduamplo tan sakey ya agew, ag kayo mamangan na tinapay a pinaalsad libadura.

Exodo 12:6

Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Marcos 14:11

Makaliliket iran maung nen nadngel day imbaga nen Judas tan insipan dan itday kuarta. Kanyan ginapoan nen Judas so mananap na pankanawnawan mangyawat ed kinen Jesus.

Marcos 14:13

Imbaki nen Jesus so duaran disipulo to tan binilin to ra, “Laka yod siudad. Naabet kid may sakey a lakin sankasakbat toy samboyug a danum.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

Deuteronomio 16:5

“Patas yod samay pasen a panangigalangan iray ayayep ya onkanad Paskua—aliwan diad anggan iner a pasen ed dalin ya iter ed sikayo na Katawan a Dios yo. Patas yo ra no onseselek so agew, ta sikato yay oras na impanaynan yod Egipto.