Marcos 12:35 - Maung A Balita Biblia

³⁵ Diad pambabangat nen Jesus ed Timplo, inkuanto, “Panoy pangibaga na saray iskriba a kabyangay boleg nen David so Cristo?

Maung a Balita Biblia

³⁵ Diad pambabangat nen Jesus ed Timplo, inkuanto, Panoy pangibaga na saray iskriba a kabyangay boleg nen David so Cristo?

Marcos 12:35 Iomraidhean Croise

Mateo 26:55

Insan inkuanen Jesus ed saramay totoo, “Akin et sankaawit yo ray ispada tan pekpek a mangerel ed siak? Tulisan ak sirin? Inagew-agew ak a nanyoyorung a nambangat ed Timplo, balet ag yo ak inerel.

Mateo 9:27

Tinmaynan si Jesus ed saman a pasen tan tinombuk na duaran bulag a tinmatawag na maksil, “Anak nen David, kasian mo kami!”

Marcos 10:1

Inmalis si Jesus nanlapud saman a pasen. Linmad lugar na Judea tan binmaliw ed Ilog na Jordan. Dinago lamet na dakerakel a totoo, tan binangatan to ra a singa gagawaen ton gendat.

Marcos 11:27

Pinmawil ira lamet ed Jerusalem. Nen manaakar si Jesus ed loob na Timplo, inmasingger iray manonan papari, saray iskriba, tan saray mamatakken na baley.

Marcos 14:49

Inagew-agew ak a nambabangat ed Timplo tan wadman kayo met, balet ag yo ak inerel. Balet nakaukolan a nasumpal so ibabagay Masanton Sulat.”

Lucas 19:47

Nambabangat si Jesus ya inagew-agew ed Timplo. Saray manonan papari, saray iskriba, tan saray manonad baley et labay dan pateyen si Jesus.

Lucas 20:1

Aminsan ya agew, nen babangatan nen Jesus iray totoon walad Timplo tan ipupulong toy Maung a Balita, inmasingger iray manonan papari, saray iskriba, tan saray mamatakken na baley.

Lucas 21:37

Inagew-agew a nambabangat ed Timplo si Jesus. Kapag onsironget la, ontaynan diman tan mansanlabiyan ed Palandey na Kaolibaan.

Juan 18:20

Inmebat si Jesus, “Ag ko iyaamut so pampapaliwawak ed saray totoo. Mambabangat ak a naynay ed saray sinagoga tan diad Timplo a pantitiponan da ray Judio. Ag ak balut nansalitad maamut.

Juan 7:42

Ag ta kuay Masanton Sulat a diad boleg nen David so panlapway Cristo tan nianak ed Betlehem, say baley a nanayaman nen David?”