Marcos 12:14 - Maung A Balita Biblia

¹⁴ Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Maung a Balita Biblia

¹⁴ Inmasingger irad kinen Jesus tan kuanda, Maistro, kabat min tua ya amin so ibabagam. Aliwan kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?

Marcos 12:14 Iomraidhean Croise

2 Saray Awaran 18:13

Balet inmebat si Micaya, “Diad ngaran na mabilay a Katawan, say papaibaga na Dios so ibagak!”

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

Nehemias 9:37

Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

Saray Salmo 120:2

Iyagel mo ak pa, Katawan, ed saray matitila tan saray managpalikdo.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Mateo 22:17

Ibagam pa sirin ed sikami no antoy isip mod saya? Sumpad Ganggan kasi so pambayar na buis ed Impirador na Roma o andi?”

Marcos 12:13

Wala ray pigaran Pariseo tan pigaran totoo nen Herodes ya imbaki da ran mangerel ed kinen Jesus diad panamegley na pantepet da.

Marcos 12:15

Balet atebek nen Jesus so maoges a getma ra, kanyan kuantod sikara, “Akin et labay yo ak ya erelen? Itdan yo ak pa na sakey a kuarta ta nengnengen ko.”

Marcos 14:45

Kasabi nen Judas, dinago ton tampol si Jesus tan inkuanto, “Maistro!” insan to inanguban.

Lucas 20:22

Ibagam pa sirin ed sikami: sumpad Ganggan kasi so pambayar na buis ed Impirador na Roma, odino andi?”

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Juan 7:18

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

Saray Taga Roma 13:6

Sikato ya met so makasengeg no akin et mambabayar kayoy buis. Ta saray manoley kumikimey iray Dios tan makoli ran manusumpal ed sayan kanepegan.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 2:2

Ta no paermenen ta kayo, siopa niy mamaliket ed siak? Sikayo met ni lamlamang a pinaermen ko!

2 CORINTO 4:1

Lapud panangasi na Dios, inter tod sikami yan panaglingkur, kanyan ag onkapoy so linawa mi.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

TAGA GALACIA 1:10

Say labay to ya kasin ibaga et aanapen koy pangidayew na too? Andi! Say pangidayew na Dios so aanapen ko. Aanapen ko kasiy pamaliket kod too? Na sayay anapen ko, aliwa ak komun a manepeg ya aripen nen Cristo.

TAGA GALACIA 2:6

Balet saray nabibirbir a pangulo—anggapoy walad siak, anggan siopa ra, ta anggapoy lalabien na Dios—anggapo met so inyarum dad saray imbabagak.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

1 TESALONICA 2:4

Ingen, lapud inabubonan kamiy Dios tan impia tod sikami so Maung a Balita, mampupulong kami onung ed linawa to. Aliwan say too so paliliketen mi, no ag ingen say Dios a manusubok no antoy getma mi.