Marcos 11:21 - Maung A Balita Biblia

²¹ Anunotan nen Pedro may agawa tan inkuanto, “Katawan, nengneng mo, inatey imay igos ya insambam!”

Maung a Balita Biblia

²¹ Anunotan nen Pedro may agawa tan inkuanto, Katawan, nengneng mo, inatey imay igos ya insambam!

Marcos 11:21 Iomraidhean Croise

Probirbio 3:33

Isasamba na Katawan so kaabungan da ray totoon maoges, balet bibindisionan toy kaabungan da ray matonung.

Mateo 21:19

Akanengneng na kiew ya igos ed gilig na dalan, kanyan nila to. Balet anggapoy nalmo ton bunga, no ag ta kabolubolung. Inkuantod samay kiew, “Ag ka lan balut mambunga!” Tampol ya amagaan imay kiew.

Mateo 23:7

Labalabay day paigalang ed publiko tan patawag na ‘Maistro.’

Mateo 23:8

Sikayo, balet, ag kayo patatawag na ‘Maistro,’ ta saksakey so Maistro yo tan sanaagi kayon amin.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Juan 4:31

Legay intaynan to may bii, kekerewen na saray disipulo a mangan si Jesus. Inkuanda, “Rabi, mangan ka la!”

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!